Vawlei Cung Mifim Thiamsang Hna Nih Thanhnak An Tuah Cang

Vawlei cung mifim thiamsang NASA hna nih Nika dotthletnak tuah dingin ‘Parker Solar Probe’ Spacecraft cu, tukum August thla ah an rak thlah. Cu an thlahmi cu hmaizarh ah khin Nika umnak hmun a neih taktak cang lai. Hmaizarh ah khin Nika cu meng 15million tluk naih in Nika pawng (carona or outer atmosphere) ah a um cang lai.

Nika konglam dotthletnak tuah dingin NASA hna nih aliamcia kum 1958 ah an rak thlahmi Spacecraft vialte lak ah tutan an thlah mi hi Nika a naih bik mi a si cang lai tiah thawngthanhnak an tuah chih rih.

NASA hna nih kum 1976 ah Helios-2 timi cu Spacecraft ah an rak thlah. Cu an thlahmi cu Nika umnak pawng hi meng 26.6million thluk naih in a rak um cang. Mah Parker Solar Spacecraft timi hi tulio Scientist a nungdam rih mi Dr.

Eugene Parker (91) min chuankhan in min an bunh mi a si. Hi thiltuahto nak ahhin us tangka in 1.5 billion khengte budget an tuahmi a si i, cu hnu ah atu bantuk in thil an tuahmi hi a si. Cupin ah NASA hna nih a ralai mi kum 7 chungah Nika konglam dotthletnak tuah dingin timhlamhnak an ngei tthan,

Cu ahcun Nika hi meng 3.8 million thluk naih dingin timh lamhnak an ngei tthan ti si. Biapeh: minung tampi kan um sawhsawh le kan tthut sawh ko lio ah mifim pawl hna nih cun Nika konglam hna an rak lehla ko cang, thil kalpi ning le duh phun hi a rak i dang ngaingai.CT