THI LO TURIN A THIH PHAHNA CHHAN CHU RAWN LOH TUR AN RAWN VANG ANI

February 8 a damdawi in a boral ta kum 13 mi Mah Aye Gwe Phyo thihna vangin kum 31 mi Than Htun Aung chu thubuai siam sak ani. A chhanchu Than Htun Aung hian thiamna engmah nei hran lo leh phalna nei lo in damlote lo enkawl ve in damdawi ei turte alo chawh ve a. Chuvangin pawl 7 zir mek kum 13 chuan a thih phah ta ani.

Sagaing Region, Khin-U Township a pawl 7 zir mek kum 13 mi chu February 5 zan dar 9 vel atangin a pang a sâ hluah mai a. Chuvangin a chhungte chuan an khawchhunga damdawi lam inti hre ve Than Htun Aung ( 31 ) chu an ko a. Inti hre ve tak Than Htun Aung chuan damlo chu a han vela, tichuan a injection nghal ani.

 

Damdawi chinchang inti hre ve Than Htun Aung chuan damlo a injection atanga reiloah damlo chu a buai zual nghal a. Chuvangin a zan a zan chuan damdawi in lian lam an pui nghal ani. Damdawi in lian a doctor chuan damlo chu a han en chuan nikhaw hre lova a awm chhan/ a zualna chhan chu damdawi chinchang inti hre ve Than Htun Aung-a Injection vang tih a hre nghal ani.

 

Damdawi in ah chuan theihtawp chhuah a an buaipui hnuah february 8 ah chuan a thi ta ani. Doctor te chuan he tleirawl hi hritlang bangsâ mai mai ani a. Mahse Than Htun Aung-a injection vangin a thih phah ani, an ti. Chuvangin tleirawl nu leh pate chuan damdawi chinchang inti hre ve Than Htun Aung chu an fanu thihna a mawhphurtu a puh in FIR an thehlut nghal a. Doctor te lehkha hmangin Than Htun Aung chu thubuai siam sak nghal ani.

 

Awle, he news kan han thlan bikna chhanchu a fiah viau in ka hria. Damdawi chinchang te hi tawng basa ngam chi a nih loh zia leh inti hre ve nazawngte hi rinngawt mai chi annih loh ziate ani. He thu i chhiar atang hian i tih tur leh i tih loh tur chu a fiah viau in ka hria. Lo țangkai pui hram ang che! CS