SYRIA RAM CHHUNGAH DUHTHAL A ISRAEL A CHET THEIH VANGIN SYRIA SORKAR CHU CHINA LEH RUSSIA CHUNGAH A VUI TA EM NI?

Kan hriat angin Syria chuan a ram venghimtu atan China thiamna leh Russia thiamna a ruai a. China atangin JY-27 Antenna an ruai a, Russia atangin Pantsir-S1 Missile System, medium-range surface to air missile system leh anti-aircraft te a ruai bawk a.

Mahse January 20,2019 ah chuan Israel chuan F-35 hmangin duhtawk mai in Syria rama Quds te chu a rawn nuai ta ani. Tichuan Syria a Iran bu khuar te chu a rawn phindarh nasa ani.

Chuvangin Quds mi 11 lai in an thih phah thu hriat ani. Mahse China kutchhuak JY-27 Antenna leh Russia kutchhuak Pantsir-S1 chuan eng thawm mah anlo hre lo, engmah an hmu lo, tih ani. Israel chuan F-35 hmangin a duh duhna hmun a bei heuh heuh mai ani. Chuvangin Syria sorkar chu China leh Russia chungah a vui hle ani.

 

Russia siam Pantsir-S1 leh China siam JY-27 Antenna te hian F-35 thawm hi an hre lo nge anlo zep zawk erawh zawhna ani. Mahse an mualphona thlen thei tur khawp chu an zep sak duh hmel chiah lova, an hming thatna tur leh an sum hnar zawk tur chu an duh ngei erawh rin ani. Engpawh nise Israel hi chu engemaw tak chuan a ropui ru riau ani.