CHILE RAMAH ENG THIL MAK RAPTHLAK NGE THLENG LEH TA LE? ( VIDEO )

Chile ram, Bahia Inglesa bula Beach ah chuan Cuttlefish antih angchi chu sang tamtak an rawn thi ringawt ani. He thil hian Chile ram a thawng hle tih ani. Sorkar chuan chutianga a chhan hriat lo a rawn thi ringawt Cuttlefish te chu tuman ei lo tur in an chah nghal ani.

 

Cuttlefish sang tamtak thihna vang hian he lai vela chengte nunphung chu a khaihlak hle ani. A thianghlim lo hle a, natna hrik hial pawh pai thei dinhmunah an ding niin Chile sorkar chuan a tarlang ani. He lai vela cheng thin leh he Beach bula khua Bahia Inglesa a chengte chuan tiang hian vawikhat mah ala thlen ngai loh thu an sawi.

 

Kan hriat angin hman ni lawkah Japan ramah tuifinriat hnuaihnungber sangha pathumte chu tuifinriat kamah thi a chhar annih vangin Japan ram chu an ralkhel ruriau khah ani a. Chu mia rei loah Russia ramah vur savawmte chu khawchhungah an rawn lut chiam mai a. Tuntumah hian Cuttlefish antih, sangha chikhatte chu sang tamtak tuifinriat kamah an rawn thi leh ringawt ani. Eng thil vangnge ni ta ang le?