A NU THU AWIH VANGIN THIHNA RAPTHLAK TAK LAKAH A HIM

Kan hriat angin February 8 zingah chuan kum 123 laia upa tawh Youth Team Training Center ah chuan kangmei a chhuak a. Chuvangin rawlthar mi 10 lai im an thih phah tawh a. Tunah hian mi pathumte chu enkawl mek an ni a. An zinga pakhat chu a dinhmun a țha lo hle tih ani.

 

Brazil rama Ninho de Urubu a Youth Team Training Center hi kum 123 vela upa tawh tih ani. He training center hi Brazil ramah chuan football club training center hlun ber leh lian ber nia hriat ani. Mahse Feb.8, 2019 tukah chuan nasa takin a kâng a, chuvangin mi 10 lai in an thih phah tawh ani.

 

Chutianga thihna in thla a zar mek lai chuan an zinga pakhat chu himpial leh meikhu rim pawh nam lo in a awm thei tlat ani. A chhanchu a nu thu a awi vang ani, tih ani. Kangmei a chhuah hma nî ah chuan an zinga pakhat chu a nu in a rawn phone a. Bawiha lo hawng lawk rawh, a ti a. Tichuan a nu kohna chu ngaipawimawh in a hawng a. Chu mi zan chu an Training Center ah chuan a riak ve talo ani. Tichuan a tukah chuan chu hmun chu rapthlak takin a kâng ta ani.

 

Football atchilh rual an ni a, mahse pakhat chuan a nu kohna chu ngaih pawimawh sak in a nu thu a zawm a. Chu chu a tan himna thlentu alo ni, tiin source chuan a tarlang ani. Mi 14 zingah pakhat a him a, 10 in an thih phah a, mi 3 in hliam an tuar a. An zinga pakhat chu a dinhmun a chhe hle ani. An zinga kum 15 mi pakhat chu a nu in lo hawng lawk turin a ti a. A nu thuawi in a hawng lawk a. Chu chu a nun chhanhimtu alo ni, tia tarlan ani. ONM/ZN