Tu Chun Japan Ram Ah Thil A Cang Mi

Japan ram ah meitlang a puak i van lei zoh ah meikhu le vutcam lawng aa vorh ko.Japan ram chaklei Cunn hmete pakhat cung in meitlang pakhat cu January 17 ah khan a puak i meikhu le vutcam hna cu thli nih meter 6 tiang khi a chem hna tiah thawngthanhnak an tuah.

Japan ram lei kam ah a ummi Gochino rabo Cung ah a cangmi meitlang puahnak ruangah a thimi thawngpang le hliamhma a tuarmi thawngpang cu zei hmanh a thang lo. Mah Cunn ahhin minung an dihlak in 109 lawng an um i a tutiang cu harnak in an luatnak ding hmun zong ah an thial rih hna lo tiah khuami tuanvo ngeitu pakhat nih a chim.

NHK thawngzamhnak zung nih an langhter mi hmanthlak ning ahcun meitlang a puah i vutcam le meikhu pawl van lei ah a tomtom in an kai khi cu kan hmuh khawh ko. Japan khuacan zohnak zung nih ralrin peknak thar an chuah hnu tlawmpal ah a tu bantuk in meitlang a puah hi a si tiah an thanh chih.

A tu tiang ahhin cun level 3 tiang lawng ralrin peknak an chuah khawh rih, cucu meitlang area chung a hohmanh nan lut lai lo” timi ralrin peknak a si i mah meitlang a puahnak hmun khuacan tlai tu agency in tuanvo ngeitu pakhat Phoci Matsuh nih a chim.