Pathian Riantuan Mi Pastor Pa Cungah Thil Cangmi

Pathian rianttuan mi Pastor cungah thil cangmi nih kan biakmi kan Pathian thil a tuah khawh ning, zeitluk in dah a lianngan ti le a nungmi Pathian asi zia kha fiang tein a lang. Pastor pa cu a taksa ah petrol an toih i, cuticun khangh an timh nain a kang kho lo, khuaruahhar taktak asi ko. Amen.

Sundargarh, Orissa State, India ram i Pastor pa nih cun a fa thla 18 mi a dam lomi cu Sizung ah a va piah ( va check) dingin a kalpi i, Hindu’s Extremist pawl nih lampi an rak tlaih hna. Anupi nu zong an tlaih chih ve. Cuti an tlaih cang ka hna cun leklak an zuan hnawh cawlh i heh an vuak, cu lio ah anupi cu lungrethei vansang au in a sir te arak ttap aihram. An tlaihnak a ruang hi an Hindu Pathian Goddess Durga na nihsawh tiah an puh ruangah asi. Cuticun an Pathian Durka milem hmaiah na khuk i bil tiah an ti. Pastor pa nih cun a milem hmai ah khukbil in kun ding cu a duh ve lo, cu ruangah an thin a hunter chinchin hna.

A hruk aih liomi thil cu an hlimpiak i, a taksa ah petrol an toih i, a nun buin khangh an timh, nain khuaruahhar asimi cu petrol an toih ko bu zongah a kang kho lo. Cuti an buaipi cuahmah lio ahcun Palik an rak phan i, Pastor pa le a chungkhar hna cu an kalpi cawlh hna. A hnu i Pastor pa chim ning ahcun khangh dingin an ka ttem lio, Petrol an ka toih lio ahhin ka lungthin tein thla ka rak cam, Bawipa ka nunnak hi na sinah kan pek kan ap, na min lianngannak le na sunpar lianngannak a langh khawhnak ding asi ahcun ka cungah thil cangmi ahhin ka vuivai lo tiah ati.

A chim rihmi cu, cuti i ka lungthin in thla ka cam dih bak in khuaruahhar in Pathian nih ka thlacamnak cu a ka leh cawlh i, an vuaknak vialte le fahnak ka intuarmi vialte cu lakpiak in ka um colh. Cun khangh an ka timh i, Petrol an ka toih, asinain an ka khang kho lo tiah a khrihfabu member hna sinah a chim. Zeizong vialte cungah nawlngeitu, zeizong vialte rawh dih hmanh a bia cu zungzal zungzal in a hmun lai i, A dawtmi hna a fa le caah cun zeitik hmanh ah a tlai bal lomi kan Pathian a si. Amen