Hriamnam In Raldoh Nakin Oneness Le Trinity Kongah Bia Raldoh Hi Ttih A Nung Deuh

Hriamnam In Raldoh Nakin Oneness Le Trinity Kongah Bia Raldoh Hi Ttih A Nung Deuh

Hriamnam in raldoh nakin Oneness le Trinity kongah bia raldoh hi ttih a nung deuh. Khrihfabu lakah a nganmi ral a tho te sual lai. Tangdor nun ngeiin surrender tuahtu hi teitu cu nan si deuh ko lai.

Oneness le Trinity kan i tonnak cu aa khat ko. Khrihfabu ciocio kan i soisel i kanmah zumhmi a hman bik tiin bia-el tthawn hi teitu sinak a silo. Kan bu ah tthih ngamh in ttanhtu silo in kan biakmi Pathian caah thih ngamhtu zumtu si deuh ko u sih.

Zumtu hna kan bia-elnak le kan biaral dohnak hmangin zumlotu nih zei an kan rellonak le khrih zumtu hna lam pialtertu kan si sual. Kan biachim le, kan holhrel, kan nunzia tuin hmutu hna caah tahchunh tlak kan si i, dawtnak kan i ngeihmi ruangah khrih zultu/zumtu kan sinak kha mi nih kan hmu deuh hna seh. Galati 5:22 “Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, áš­hatnak, zumhawktlakmi sinak, ” Galati 5:23 toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

Thlarau fa, ka piangthar aa timi hna nih cun thlarau theipar hmangin mi nih thangthatmi le a hmunmi thei tlaimi zumtu kan si kha a biapi bik ko.

By : Salai Pa Thawng