Hi Bantuk Zumhnak Hi Do A tla Lomi Zumhnak A Si

Pathian pakhat ah Mi pathum an um. Cu Mi pathum cu Pa Pathian, Fapa Pathian, Thiang Thlarau Pathian, mah bantuk zumhnak hi Trinity nih an zumhnak update an tuah thar mi a si ahcun ruah ciammam a hau lai.Pathian pakhat a um tiah bible nih a chim ko mi Pathian pakhat ah Mi pathum an um ti chim reng reng cu lungfim rih lo ngakchia nih a ek lila a tonh i ek ka tonh ti a thei rih lo mi he nan i lo ti kha a fiang. Mizo nih Chhura, Laimi nih Teng Lang, Zophei nih Cangdy kan ti mi bak nan si ko.

Chim duh mi cu zumhnak ah thlarau mit a keuh rih lo mi, thlarau lung a fim ngai rih lo mi, Pathian Thlarau a ngei rih lomi/co rih lomi an si ti kha a fiang ter ngaingai mi cu a si. A fiang mi cu Lamkaltu 12 chung hmanh ah khan aa theih tuk. Jesuh bia hal tu an um. 1. Na Pa cu kan hmuh sak law cu vial cu kan herh mi a si ko. 2. Ahma ka hmu lo ahcun ka zumh lai lo.

*Philip le Thomas* an si.

Biahalnak tuah kan duh hna. van ka leh cio u law kaalawm ko hnga.

  1. Moses phungbia nih aho kong dah a ttial?
  2. Profet vialte nih aho kong dah an rak chim chung i an rak phuang chung?
  3. SALM nih aho kong dah a ttial?
  4. Bawipa Thlarau, Pathian Thlarau, Jesuh Thlarau, Thiang Thlarau, Thlarau ah hin aho Thlarau hi dah nawl ngeitu bik le a tthawng bik mi a si lai? Hi vialte Thlarau hi a dangdang cio maw an si, pakhat dah an si?
  5. SALM catial tu nih BAWIPA cu Pathian a si a ti caah BAWIPA hi teh Pa Pathian, Fapa Pathian, Thiang Thlarau Pathian cu maw a si ve ne lai?
  6. Bawipa tiah kan auh lengmang mi le Jesuh hi danhnak a ngei maw?
  7. Bible cahlun ah Pathian nih thing pathian, milem pathian, serchom mi pathian, adangdang pathian hme tete hmai ah kun lo le biak lo kha Israel mi hna kha Nawlbia pek an si.

*Asi kun ahcun Lamkaltu le mi cheu khat nih Jesuh hmai ah kun in an biak tikah khan zei ruangah dah Jesuh nih khan Pathian ka si lo ka hmai ah kun hlah u law ka biak hlah u a ti hna lo? Cun zei ruangah dah Pathian nih cun Jesuh a biak mi hna kha a thah hna lo?

  1. Pa Pathian nan ti mi hi taksa le ruh le thisen a ngei maw?

Hi vial si rih ko seh. Kaalawm.

By : Salai Joel