Biahal: Khrihfa Nun Ah Nan Thinphang Hlah Uh Timi Hi A Taktak Ah A Si Kho Maw?

Biahal: Khrihfa nun ah nan thinphang hlah uh timi hi a taktak ah a si kho maw?

Bialeh: Khrihfa nun ah thinphannak, lungretheihnak le lungdonghnak ton lengmang a si. Cucu nun cu kaltaknak dingah a har ngaingai fawn. Pastor le cawnpiaktu tampi hna nih Khrihfa a simi cu thinphannak le lungdonghnak nan ngeih taktak ding a si lo tiah an kan chimh lengmang nain a taktak ah a har ngaingai caah hi biahalnak hi a chuak.

Thinphannak, lungretheihnak le lungdonghnak hna hi kanmah duhthimnak cungah a ummi a si. A fawinak in duhthimnak phunkhat a si. A cheu cu thaithawh zaanriah ei awk set an ngei lo nain thinphan le lungdong lo tein an um. A ceu cu tangka tampi an ngei ko nain thinphannak le lungdonghnak nin an nun a khat thiamthiam ve. Cucaah a pakhatnak ah duhthimnak a si tiah ka timi cu a si. Harnak kan ton tikah a tanglei hi naa thiam khawh.

  1. Kan thin a phang peng kho.
  2. Lungretheihnak le harnak kha i theihter lo, philhter chih kan i zuam kho ko.
  3. Pathian tu i bochan buin kan thilrit kan thumh khawh ko. Salm 116:7 ah “Bawipa cu ka cungah a ṭhat caah, maw ka nunnak, hnangam tein um ko.”

Bible nih  thinphannak kongah fiangtein a kan chimhmi a um. Isaiah 43:1-12 “1Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si. Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.”

Pathian Bochannak le Thinphannak hi hmunkhat ah a kal ṭi khomi an si lo.  Lamdang veve a kalmi an si. A ngaingai tiah ahcun thinphang lo tein um hi na taksa damnak tiang zong a pe khotu a si. Phungthlukbia 14:30 “Lung daihnak nih pum kha a ngan a damter, sihmanhsehlaw nahchuahnak cu khensar zawtnak bantuk a si.” Rawl na eimi nih damnak an pek bantuk tein thinphannak nih nangmah kha an ei lo ding a biapi ve.

Rawl thawthaw, rawl ṭhaṭha pawl kha na pum ngandamnak ding caah na ei piak ko hna nain mihuatnak, nahchuahnak le thinhung fahnak pakhat na ngeih zungzal ahcun a ngan a dam lomi bantuk in na tuar zungzal ko lai. Khensar zawtnak bantuk in na pum tiang an hrem zungzal ko lai. Thinphannak hi tampi kan ton tawn hna i nain a huap in kan chim ahcun a tanglei phun nga chungah an si bik.

  1. Hohmanh nih an ka kom duh ti lai lo. (Keimah lawng ka tang lai)
  2. Hmailei ah zeibantuk a can lai ka fiang kho ti lo.
  3. Hmailei ah tuah ka duh mi ka tuah kho ti lai lo.
  4. Mipakhat khat nih hmailei zongah harnak an ka pek zungzal ko lai.
  5. Hmailei i thil a cangdingmi hi keimah tein ka ti kho lai lo.

Sihmanhsehlaw, thawngtha pakhat cu a cunglei vialte i thinphannak le lungretheihnak hi i lak lo khawh a si.  Pathian nih a cunglei thinphannak kan ton mi cungin bia a kan kamhmi 7000 (thongsarih tluk) Bible ah a um. Cu hna tlak ah a tanglei pawl hi zoh lo in na zah khawh nak dingah le David bantuk in a au in na au piak khawhnak dingah ka run langhter.

  1. Bawipa kha lungchung dihlak in i bochan.

Phungthlukbia 3: 5Bawipa kha na lung chung dihlak in i bochan law Nangmah fimnak kha i rinh hlah.6Na kalnak lam kip ah amah kha hngal law Amah nih na lam kha a tluanter hna lai.

  1. Vawlei cung thil kan tonmi hi pakhat taktak hmanh Pathian dawtnak he a kan then kho tu an um lo.

Rom 8:38Zeicahtiah a kan dawtnak he cun zeihmanh nih a kan ṭhen kho lo ti kha fiang tein ka hngalh: thihnak nih siseh, nunnak nih siseh, vancung i a ummi vanmi nih si hna seh, uktu le ṭhawnnak nih si hna seh, atu caan nih siseh, hmailei caan nih siseh, 39cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

  1. Kan sin ah ra uh, dinhnak kan pek hna lai “ Jesuh nih a kan auh.

Mathawi 11:28 “28″Rethei le thilrit mi vialte hna, ka sinah ra tuah u, dinhnak kan pek hna lai. 29Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

Ref : BIBLE HALNAK