PRESIDENT TRUMP CU CEI KO IN PEI HOUSE NIH AN TUAH KO HI

Donald Trump nih National Security Emergency thanhnak a tuahmi phihkhar dingin Democrats nawlngaihnak tangah a ummi US House ah vote thlaknak an tuah i, House nih Trump thanhnak tuah mi cu phihkhar dingin biachahnak an tuah cang.Tump thanhnak tuahmi phihkhar dingah vote hi 245-182 an pass cang.Tutan ah biachahnak an tuahmi cu ni 18 chungah Senate ah vote laknak an tuah tthan lai tiah zumh a si.

Senate nih House bantukin a pass ve a si ahcun Congress nih Trump thanhnak tuahmi cu an cohlang lo tinak khi a si.Sihmanhsehlaw hi thanhnak tuahmi kongah US President Donald Trump nih 100 percent bak in veto ka hman lai tiah a hlanken tein thanhnak a rak tuah ve cang.Tutan Trump thanhnak tuahmi House ahhin Democrats party thilti ning hi Republican Senator chungah a cohlangtu zong an i tel lai ti si.Hi konghe pehtlaiin North Carolina in Sen.Thom Tillis nih Washinton Post thawngzamhnak ah ka dirkamh hna lai tiah a chim ti si. Culawng siloin Alaska Sen.Lisa Murkowski le Se. Susa Collins zong nih Democrats thilti ning hi an dirpi lai tiah zumh a si rih.

Atubantuk in thanhnak tuahmi National Emergency Act ,hi kum 1976 ah rak sersiam a si ah hin a phihkharnak dingah House ah vote in tuah a si lai i, cu vote laknak antuah hnu Ni 18 chungah Senate ah tawlreltthan a si lai i, Cuticun Congress nih biachahnak atuah dingmi a si. Tutan ah House nih biachahnak atuah cang i, Senate ah caihtthan a si lai. Senate nih Trump thanhmi an kham ve a si ahcun Trump nih a veto a hman lai ti a fiang cang.