Pathian A Um Lo A Timi Pawl Minthang Hna Nih An Thih Lai Ah An Chimmi Bia

Vawlei cung minthang taktak a simi hna chungin Pathian a um bak lo tiah a zummi hna pawl nih an thih lai i, a donghnak bik an chimmi bia pawl a si. Vawlei cungah minthang tampi hna nih Pathian hi a um a zum lomi tampi an um hna. Cu hna pawl an donghnak ni an thih lai te ah an chimmi pawl cu a tanglei bantuk in an si.

Ka thin a phang tuk e, Bawipa rak ka umpi hram ko law. Pathian a um lo timi ca ka ttialmi The Age Reason timi Cauk kha rak chuah hlah ning law, ti lawng ka duh hringhran ko, Jesuh rak ka umpi dingin hngakchia pakhat tel na rak ka pe kho maw : Thomas Payne.

Hi vawlei cungah hin ka harhai mi vialte hna cu kan ngaih dih. Sihmanhsehlaw kei cu ka thi ko lai, hnangam daihnak pakhat te hmanh ka ngei lo. Ka kalnak ding lam hi muihnak lawngte a si ko e tiah vawlei cung minthang Caesar Borgia nih a thih lai te ah a chim. Si kho sehlaw nikhat te lawng caan kai pek tthan ko lai. Cun ka sining vialte hi a hramthok tein kaa ruah tthan ko lai e: Thomas Hobbs. Hi dirhmun ka hung phak bak in hin Pathian a um ko tihi ka theih e, Asinain caan a um ti lo: Sir Thomas Scott.

Ka kaltak cangmi Pathian nih cun aa ka kaltak ve ruangmang ko cang. Thlapa thlaruk tal hi cu a dam tthan ning sining law cu ka ngaihmi thilri vialte hna hi ka pek dih ko hnga e: Voltaire. Bawipa ka thlarau hi rak ka chanh ko law, hi hremhmun lak hin rak ka chanh hram ko sawh: Roberts Ingersoll.

Ka kaang dih thluahmah ko cang e: David Hume. Pathian le dantatnak a um lo timi hi chim ti hlah ulaw. a um hrimhrim ko. Cu hmun le hma ahcun ka lut cuahmah ko e: Sir Francis Newport. Vawlei cung minthang tampi hna nih An ngaihmi caan vialte hna le an tuahmi vialte hna nih aa kan khamh lai tiah an rak i ruah i, cuticun nile caan an rak hmang.

Asinain dawtmi ule nau hna a donghnak ni le caan an phak tikah cun an i ngaichih mi vialte hna kha zeisan hmanh a tlai ti lo. Caan nih a liampi tthiamtthiam ko hna. Nang le Kei zong caan tawite kan dam lio le a tlai hlan ah hin kan Pathian sin ah kir ve cang usih. Adonghnak ni le caan ahcun san atlai ti lai lo. Acaan um liote ah Pa Pathian fuhpanh ko hna usih.

Credit: zz