Nungak Pakhat Nih Hitihin A Tuanbia A Phuan

Nungak pakhat nih hitihin a tuanbia a phuan Ka tlangval nih a ka kal tak i sianginn kan kai lio ka hawi thing he kan i duh asinain ruah loin a ka rat hnawh than i ka al kho lo. Tutan kan i tonmi cu a hlan i kan rak tuahmi vialte naak in a let in a nuam.A luan cia kum thum khan kan rak i duh cang, asinain kan i then than.Zeiruangah dah a ka then than timi hi ka thei lo.
Kan i theihthiam lonak zong a um lo; kan lung aa khah lonak zong a um lo. Kan no lio tein aa kawm cangmi kan si i kan i duh beh. Atu cun kum 32 ka si cang i a nih cu kum 34 a si cang. Rian a hmuh in Muslim ram ah a kal. Ka hnatlak pi lo nain a kal i mah hnu cun kan i then thai.Ka hawi nu he an i um timi thawng ka theih.
Asinain fa kan ngeihmi zoh ah a ra lengmang tawn.

Voikhat cu a ra i bia kan i ruah. A lungchung ah ka rak tan pengnak le a ka philh lonak a ka ruah. Zeitluk in dah a ka ngaih timi tiang in a phuan dih. Ngaknu dang zong a ngei ko cang nain a rak ka philh kho taktak lo. A ngaingai ti cun keimah zong nih ka ngai tuk ve.Lemsoi zong tampi ka hau ve ti lo.
Kan i neih deuhdeuh i a hnuah cun kan hmur le kan taksa aa tawng. Kan caan hman ti cu a nuam kho tuk. Voi dang vialte naak in a nuam khun. Mah hnu cun kan inn ah a ra lengmang cang.A hlan bantuk dirhmun ah kan um than.
Asinain a nupi nih kan thei seh law zeitin dah kan um lai timi ka ruat kho ti lo.Keimah le keimah dirhmun zong kaa fiang ti lo. A nupi taktak bantuk dirhmun ah ka um than tikah a ruah awk ka hngal ti lo.

A nupi zong ka si fawn ti lo hihi zeitindah ka tuahning a si lai?ruahnak rak ka cheu hraam uh?Hi konghe pehtlaiin ruahnak an cheuh mi cu Deidre: na tlangval thing he nan pehtlai than i, nuamhnak caan nan hmanmi hi a tihnung tuk.
Nangmah caah cun zungzal in an hrawk khotu thil a si i, amah caah caan karlak nuamhnak menmen a si. Cucaah nan tuah tawnmi maw na donghter lai i, na vat lawlaw lai dah? Nangmah nih bia khiak hmasa ve cang. Cu lo ahcun na lung an khuai than lai.
Ref: The sun.