Nu Nih I Tamh Tikah Theih Bak Ding A Bikin Lengah Minih An In Tamh Ah Cun Hihi Vai Ral Ring

Chantiluan zong nih a kan phak chih ruang ah le a hlei in nupawl nih cun kan i manh lo caan ahcun dawr ah lutawl hi kan hmang cio hna. Dawr ah lu aa tawl mi nih cun inn ah mah tein lutawl nak in dawr ah caan rau loin sam pungsan duh ning tein tuahpiak a si tikah kan duh deuh dih hna. A sinain dawr ah kan lu kan i tawl tikah hin ralrin ngai zong a hau ve fawn.

Dawr ah lutawl le tamh a hmang mi nih hngalh ve hrim ding mi pawl cu; minung kan pum aa khat lio cio tikah kan hmanmi tamhnak he aa keih lo mi kan tampi. Sam rawng kan i thuh (color), Shampoo, pawngse tbt. kan hman mi zong i ralrin ngai a hau. Lutawl tikah pangka le aircon hon buin tutawl lo ding. Cun kan lu a kan tawltu a tam deuh cu an kuttin a sau mi in pakhat hnu pakhat in lu a kan tawl/kheuh tikah zawtnak i chonh a fawi tuk.

Kan lu a kan tawl dih in a kan malit/hmeh theu tawn. Kan lu nih hmeh a herh lonak hmun zawn hna ah a kan hmehsual ahcun ngandam faktuk in a hnorsuan khawh. Cu lawng si loin Sam rawng thuh tikah lu a thak, a lin bantuk le lufah in ni hnih/thum na um sual ahcun sii lei thiamsang mi sinah i piah colh.

Biakilh: Lutawltu nih thianghlim tein customers sin ah a um a hau.