NLD Pary Cu Mah Hi An Si Than Ko Cang

Tulio kawlram cozah tlaitu NLD party nih Nay Pyi Daw ah Zung (Branch Office) an awn lai.NLD party nih Nay Pyi Daw ah party Branch Office saknak ding caah Acre 16 in a kaumi vawlei kha ting thong 2 renglo in an cawk cang tiah thawng zamhnak nih a langhter.

NLD party Center riantuantu chungtel le Mayangon myone pyithu hluttaw palai zong a simi Dr. Daw May Win Myint nih party branch office awnnak caah party phaisa in ting 2445 dih in vawlei an cawl cangnak kong cu media pawl sin ah a chim. Vawlei cu khawikaa ahdah an cawk i zei tikah dah an sak te lai timi biafiang tu cu a chim lo.

Kum 2015 thimnak ah khan palai tampi kha teiin uknak a hun tlai tu NLD party cu president telh in cozah phu chungtel pawl, hluttaw palai pawl hna kha lahkhah an pekmi hna phaisa chungin 25% cu party phaisa caah an khawn hna tiah thawng zamhnak nih a langhter tthan.

Cuti i, tangka khawnmi chungin hmuhmi phaisa hna cu December thla tiang ahkhan cun Myanmar tangka in billion thong 6 dengmang a si cang tiah party vice chairman a simi Dr. Zaw Myint Maung nih a chim. Mah an hmuhmi tangka chungin Ttan level party office pawl caah ting 700, myone level party office caah ting 150 an bawmh hna lai tiah an chim.