Minung Hi Kanthih Hnuah Khawi Ka Ah Dah Kankal Lai?

Thil tha kan tuah ah cun a that nak hmun kan phan lai ti cu zei Biak nak poh nih an chim cio ko. Thil tha tuah ding zong in lam an kan hmuh sak ko. A si nain hawi dawt ( kai cu zuk hmawm ka tong lo / mi thil zong a thli thup in ka la bal lo na ti khawh ko / a si lo mi bia hman lo zong ka chim bal lo ) cu caah sual nak zei hmanh ka nei lo na ti khawh men.

A si nain a tu ah mi inn tha le  lo tha an neih mi kan hmuh tik ah kan nih zong nih hi ban tuk hi nei ve seh la ti ban tuk lung thin kan nei cio si lo maw. Mi thil kan hngar hna zong hi sual nak cu a si ve ko. Cu caah cu sual nak chung in cun kan luat kho lai maw. Luat kho ding cu a awl lo. Mi dang kan va huat hna, kan thin lung in mi va chim rel hi teh kan hrial kho lai maw. Hrial khawh ding cu a har ko. Na hrial khawh lo cun nang zong sual nak chung ah na um ve. Thil tha lo tuah mi na si ve.( thil tha lo kan tuah ah cun a that lo nak hmun ah kan phan lai) ti cu kan hngalh cio ko.

Na thih hnu ah na thlarau cu khoi ka ah dah a phak lai. Thil tha lo na tuah ah cun na thla rau cu a that lo nak hnum Hell ah a kal ding cu ai fiang cang ko. Tha ten ruat law na thla rau caah kar hlan I zuam. Vawlei cung mi vial te nih Biak nak lei ii kar hlan hi an duh tuk cio ko kar hlan nak lung thin zong an nei ko nain (လက္ေတြ႔) in cun an tuah kho lo. A that an hngalh ii an zulh duh ko nain thil tha lo hi an tuah sual peng. Zei ruang ah dah hi ban tuk in cun asi tiah cun Minung cu a sual cia in a suak mi kan si caah si.

A si ah cun Hmun thiang na phak nak ding ah zei dah na tuah lai?

Minung fim nak le minung ruah nak in cun na tuah khawh lo kho men.Minung cu a sual cia kan si caah thil tha tuah hi kan caah a har tuk men ko lai. A si nain I lawmh awk a si mi cu kan caah a bawi thut den kal tak in a mi hna tlanh awk ah hi vawlei har nak tuar ding in kan Bawipa Jesuh a ra cang. Hi vawlei cung mi vial te hna a kan dawt tuk ruang ah kan caah har nak a tuar. Cu caah a mah kan zumh a si ah cun Hmun thiang cu kan pha kho ko lai.

A mah kan zumh nak lung thin te he thil tha tuah kan I zuam ah cun a thlua chuah an kan hrawmh lai ii cu ti cun a kan tinh piak mi van ram cu kan co ko lai. Cu caah sual nak kha rak hrial I zuam cio ko u sih. Na thin lung dih lak in thla cam law pa thian nih an ngeiih thiam ko lai. Pathian thlua chuah nan cung ah um ko seh. Amen.