Micaw Zong Nih Hin Thil Khuaruahhar Kan Tuah Kawh Ve Ko Tiah A Chim I A Tuah Bak Ve

Vawlei cungah a ngancemmi Cite ram a phiat tu Mit Caw hna an saya Pa. France ram ah Alba Thetsire tiah auhmi mitcaw hna saya nihcun Bolivire ram ah a ummi vawlei cungah a ngancemmi Cite ram pi pakhat cu hawi loin a mah lawng in a kal i a phiat khawh.

Salar de Uyuni tiah an auhmi vawlei cungah a ngancemmi Cite cungah Thetsire nih audio GPS bawmhnak pakhat te lawng aa lak i harngai in a hun phiat khawh hi a si. sihmanhsehlaw emergency herhnak a ton ahcun tiah bawmtu ding ah mibu pakhat nih hlat nawn pi khin an zulh ve.

Related image

Cu pa a khual tlawnnak risk a lak mi cu Kilometer 140 tluk in a sau i ni sarih chungah a ke in a kal i a phiat khawh dih. Cu tluk i a harmi khualtlawnnak cu a lim hnu ah a khual tlawnnak ah khenkhamtu le harnak petu a tonmi pawl cu Thetsire nih tadinca fianternak puai pakhat ah a chim.

Thetsire hi France ram ah mitcaw ngakchia pawl hna ca a chimtu saya a si i amah mit a that lio te hrimhrim ah hi Cite ram phiat dingin timhlamhnak a rak ngei cang mi a si tiah  theih asi. Hi ti tuah khawhnak caah kan hnu kum zongah fak piin exercise ka rak la cang tiah a chim. Cucu kan mah bantuk pum tlamtling lo a simi nih khuaruah har zumh awk a harmi thil pawl kan tuah khawh ko tikha vawlei pumpi nih thei sehlaw ti ka duh caah a tu bantuk in cite ram ka phiatnak hi a si tiah a chim chap.