Mi Caah That Nak Tuah Tu Na Si Lo Zawng Ah Harnak Pe Tu Va Si Hlah

Vei khat cu mi pakhat nih khan khua hmu lo mi mitcaw pa rawl ei a sawm. Rawl an ei caan a sauh deuh caah khua cu a hung mui. Mitcaw pa nih cun khua a mui tuk cang ka tlung cang lai tiin a hawipa cu a hei chimh. Cu tikah inn nei tu pa nih cun Mei in(မီးအိမ္) pakhat cu a hei pek. Khua hmu lo mi mitcaw pa cu a thin hung tuk. Kei cu ka mit khua hmu lo ti na theih ko ziah mei in cu na ka pek ka caah that hnem nak a nei hme maw a hei ti.

In nei tu pa nih cun ka dua kan dawttuk caah pei kan pek ko cu a hei ti. Nang nih cun na hmu khawh lo nain mui lak na kal lio ah pei mi nih an in hmuh lai le an in hrial lai cu a hei ti. Mit khua hmu lo pa cu a van I fiang. Kan theih hngalh nak ai lawh lo ah cun a phi chuak mi ai lo tawn lo. Cu caah kan ton mi le kan tuah mi kip ah kan ruat ta a haut awn.

Zei thil peoh ah ai lawh lo nak lei in kan zoh si cun ai lo tawn lo. Nang mah nih fanu pakhat na neih si ah cun mopa lei in man tam pi hauh ding na ruah men lai. Nang mah nih fapa pakhat na neih ah cun monu lei in man tam pi hauh lo ding in na ruah men lai.

Lam na len lio ah motaw mawng mi pawl na hmuh cun na rem hna lo. Nang mah motaw na mawng ah le lam leng mi na hmu thiam hna lo. Rian na tuan lio ah na bawipa kha mi a hre tuk (a hnek tuk) tin an zumh men lai. Nang mah na kut tang rian tuan mi an um tik ah an fial lo rian tuan zuam nak tak tak zong an nei lo tiin nan ruat men lai. Zei tik pioh ah nang mah lei lawng in zoh lo in a dang lei zong in na zoh chih awk a si.

Mipakhat har nak a tong mi na ruat thiam piak mi khan a dawtnak pakhat si. Midang har nak na theih thiam piak mi khan a zawnruah nak pakhat cu a si. Midang an sual nak na ngeih thiam mi kha na caah hlawk nak pakhat a rak si ti kha philh hlah. Zei tik hmanh ah mi a neh sawh mi va si hrim hrim hlah. Midang caah that nak na tuah khawh lo zong ah an caah har nak vape tu cu va si hrim hrim hlah.

Ref : Salai & Mai