Thailand Ah KNU Le Remdaihnak Commission Hna Tonnak An Ngei

KNU le Remdaihnak Commission hna Tonnak an ngei. Cozah remdaihnak commission le Karen National Union hna karlak ah remdaihnak rian ah hmailei an kal khawh nakhnga tiah zeizei ti um loin ton biaruahnak in phungning tein ton biaruahnak lei ah a rannak an kal khawh nakhnga caah ruahchannak tha ngaingai an ngei kho hna tiah ram pi counselor zung director a simi U Zaw Htay nih a chim.

Thailand ram Chang Mai myo ah nizan ah khan remdaihnak commission le Karen National Union KNU phu hnih hna hruaitu pawl suimilam pa 4 chung zeizei ti um loin ton biaruahnak puai an dih hnu ah thawngzamh tu media pawl sin ah U Zaw Htay nih a chim.

Hi phu hnih hna ton biaruahnak puai cu Karen National Union KNU lei in Pado Saw Ta Do Moe nih a hruai hna i Bohmuci Toe Toe Lay, Pado Saw Taw Nyi, Naw May Oo, Saw Baw Bo, Saw Al Do Soe hna zong an rak kai kho ve i cozah remdaihnak commission lei in cun secretary pension a la cangmi bohmuci thing pahnihnak U Khin Zaw Oo, U Zaw Htay, U Aung Soe, U Hlah Maung Shwe, U Kyaw Lin Oo hna an rak kai kho ve.