New York I Clay Ah A Ummi Crystal Bassette Cu Jesuh Nih A Nun A Thlen

New York i Clay ah a ummi Crystal Bassette hi hlawhlan le a piaka zeih in a paw aa cawmmi a si i, kum khat ah £250,000 hrawng a hmumi a si. Kum hra cu a riantuannak ah a piaka film lawng te aa zeih.

Asinain Jesuh Khrih nih a khamh hnuah a chimmi cu ‘kha ni phungchimtu pa nih a chimmi cu keimah lawng te hlah maw a kan chimh tiin ka ruah’ a ti. A hlanah hin model rian, laam le a dangdang rian a tuanmi a rak si. Asinain ruah lo piin a piaka a zeihmi minung he aa tong i a piaka film zeihnak kong a ceih pi.Naa zeih ahcun thla khat ah £25,000 na hmuh lai a rak ti. Vanthat ngai pei a si hi tiah tangka ruah ah a rak cohlan. Voikhat tonnak an ngeih hnuah a voikhatnak film aa zeih. Hrinthannak a co hnuah a chimmi cu ‘kaa zeih khawh in takkholhnak khaan ah ka kal i, suimilam pahnih chung deng ka tap.

Mah kaa zeih hnu cun ka ngol i thla khat chung ka kal duh ti lo. Asinain a hnuah ka kal than i, a piaka zeih harnak ka tei khawhnak ding ah fah theih lonak si hna ka tawng, zu hna ka ding, cuticun har ngaiin ka tuar. Duhsah tein ka tei deuh chin lengmang ve i, ka fapa sianginn ah ka thlah khawh cun ni fatin in ka kal cang.

Ka nunnak hi tangka, zu, sex, sport le nuamhnak lawng tein a khat i vawleicung thilri in ka nunnak hi aa phum dih cikcek. Kan lungthin le ruahnak hi a buai zungzal. Bible ka rel tawn i, Jezebel thlarau chia nih a kan helhhum lengmangmi ah kaa lawhter. Ka riantuanmi le kan sining kong ka ruat bal lo.

Nun sawhsawh le nuamh sawhsawh in kan nunnak caan kan hmang lengmang. Ni khat a ra i ni dang a ra lengmang a ti.Duhsah in a nunnak ah harnak a vun tlung thluahmah hna. Motor eksidant a tong; a Khrihfabu leiin pehtlaihnak a vun ngei i, duhsak tein bawmhtu a vun tong i a hnuah cun Pastor David he an i tong.

Biakinn aa pumh lio kong a chimmi cu ‘phungchimtu nih Pathian bia a chim i, Pathian nih hlah maw a ka chimh ti tluk in ka theih. Ka sining le ka herhmi vialte a chim dih i, mah hnu cun Pathian leiah kar ka hlaang chin lengmang cang a ti. Asinain a riann a kal tak kho colh lo. Film zeih ding in hnatlaknak kan tuahmi tlinter lo awk a tha lomi a um.

Mah hnuah cun pahnih kaa zeih rih hna i, fihnung an si tiah a chim. Caan a vun liam deuh cun Pastor David he an i pehtlaihnak a tha chin lengmang i, December 2014 ah thitumnak an rak tuah. Cuticun an pahnih in Pathian rian an tuan veve. New York i Fulton ah Khrihfabu “New Beginings Christian Life Church’ an dirh.

Keimah bantukin nunnak a tongmi bawmhchaantu si khawh kaa zuam lai a ti. Crystal nih a chimmi cu ‘a luan cia ka tuanbia ka zoh than ah hin kaa ngaichih ka ti kho lo. Nihin ka sining a ka sertu cu a luan cia ka tuanbia a si.

Pathian ah hin ka nunnak ka pek cang. Kaa thleng cikcek cang. A hlan ka nunnak a zoh a rak chia tuk i, atu cun Pathian caah ka nunnak ka hman cang lai’ a ti. College ah Pathhian bia a cawng than i, atu cu a pasal David he Pathian rian an tuan cang.

Credit: The sun.