Khrihfa A Simi Pa Lawng Nih Rak Ka Thii Hna Seh Khrihfa Lawng Ka Duh Hna

Halnak: Zeitik lio indah Jesuh na theih i ka Bawipa le ka khamhtu a si tiah na coh lan?

Lehnak: Kanu hi muslim a si, Ka pa cu Hindu a si, Asinain ka hngakchiat lio tein Mumbai,Bandra ah a ummi Mary Convent School ah a kai tawnmi ka si i, Khrihfa tihi cu ka theih lengmang ko. Culawng siloin ka chuahni thla hi Jesuh chuahni he a khat ruangah Pathian caah hin mibik bak ka si tiah ka ruah tawn. Nain Bible tucu ka rel ballo.

Ka thinglung lungre a theih tuk lio kum 2007 ah Ka Aunty (Pastor ) nih a ka chimh tawn bangin Bible cu ka lak i Biakamthar lei cu ka rel. Cu ahcun khamhnak kong le pumhkhawmh cun tipil in a herhnak kong hna cu ka theih. Cu hnu ah New Life Fellowship Pastor Shekhar cu ka chawnh colh.

Jesuh cu ka bawipa le a ka khamhtu a si tiah ka cohlan nak cu ka chimh i,January ni 5 kum 2007 ah tipil innak ka ngei. Tipil ka in hnu cun ka rian vialte tlolh in phur taktak in Bible study ka ngei tawn.

Halnak: Nikhat ah voi zeizatdah Bible na rel in Pathian sin ah thlacamnak na ngaih tawn?

Lehnak: Ka nun ah Pathian nih zeidah thiltuah a timh mi a si ti ka theihkhawhnak dingah ka room i hrenhkhanh in a suimilam chiar in thla ka cam.Bible ka rel tawn lehnak ka hmuh hlan chung paoh cuticun ka hngah tawn.

Halnak: Jesuh na cohlan ah hin soiseltu le thihpheihtu an um maw?

Lehnak: Ka chung le sin in cun khamtu an um lo nain hmunkip kakip Pathian chim in ka vah ahhin cun dohkalhtu an tam ngai ko.

Halnak: Vangaih tah nai tim maw?

Lehnak: Ttit-umnak hi vancung in a rami a si i,Pathian nih ka caah a tha dingmi a ka thimpiak a sicun thitumnak cu a chuak ko lai.Asinain a herhbak mi cu Bible ,Efisa 5:25 Vale hna,Khrih nih khrihfabu cu a dawt i a nunnak a pek bantukin, nannih zong nih nan nupile kha nan dawt hna awk a si.tiah a ti bangin ka vapa ding cu zumtu tha le Pathian a ttih mi a si lai.Ka vapa ding hi zumtu a si lo ahcun ka ngei lai lo.

Halnak: Mipi sin ah biacah na duh mi a um maw?

Lehnak: Mark 12:30-31 Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai ti hi a biapi bik cu a si.31 Cun a pahnihnak cu,Nan innpa kha nangmah naa dawt bantukin na dawt lai, ti hi a si.Hi hna pahnih nakin a biapi deuhmi nawlbia dang an um ti lo,tiah a ti, Thlacamnak nan ngeihcaan ah rak ka philh hlah tiah kan cah chih hna.

ctwnews