Kawlralkap Le Arakan Army Hna Cu An I Phomhning A Fah Chin Lengmang

Kawl Ralkap nih tlangcung mi kahdohnak ah Helicopter Vanlong an hman tiah AA pawl nih an chimmi cu ralkap pawl nih a si lo an ti. Rakhine pyine Buti Taung myone ah cozah ralkap nih Helicopter Vanlong cungin bom an kan thlak hnawh i an kan kah tiah Rakhine ralkap AA pawl nih thawng an zamhmi cu ralkap lei nih a si lo tiah an leh hna.

Hi konghe pehtlai in Nizan tihni chung hrawgah vawlei ah i kahdohnak a um lo nain ralkap lei nih helicopter vanlong hmang in cunglei in bom an hun kan thlak hnawh tiah AA thawngzamhnak le Pyanciazi zung tuanvo ngeitu Khine Thukhah nih RFA ah a chim.

Hi thawngzamh, thanhnak he pehtlai in nitlak lei ralkap zung nganbik Nahpahkhah Ttan uktu bohmuci Win Zaw Oo cu RFA nih pehtlaihnak an tuah i an hal tikah nizan tihni ah zei bantuk vanlong hmanh hmang in kahdohnak a um lo timi le January 4 lio i police sakhan pa 4 kahdoh a rak si lio tu ahkhan cun helicopter pa 2 in an bawmh hna tiah an kan leh.

Rakhine pyine lei ah ralkap lei nih helicopter in bom thlak kahdohnak cu voithum a um ruangah le hriamnam ngan pipi in kahdohnak a um ruangah khuami pawl mecheu hna u zam lawng an rian ko tiah Khine Thukhah nihcun a chim.

Kawlralkap le Arakan Army hna cu an i phomhning a fah chin lengmang pin ah A tu lio cu ralkap lei nih Rakhine pyine thlanglei ah ralkap pawl an chapchin lengmang ruangah a raoh hlan ah kahdohnak fak taktak in a chuak te kho men tiah a chim.