Buti Taung Myone Sitaung Le Ganpin Khua Karlak Ah Hithil Hi A Cang

Buti Taung le Cauh Taw ah Kahdohnak a chuak.Rakhine pyine Buti Taung myone le Cauh Taw myone pawl ah cozah ralkap le Rakhine ralkap AA hna cu nizan tihni ahkhan nikhat chung an i kah ruangah khuami minung 200 renglo hna cu umnak kaltak in an zam len hna tiah theih asi.

Buti Taung myone Sitaung le Ganpin khua karlak ah thla nihnih zing suimilam 9 in an i kap hna i Cauh Taw myone Talu chaung khuate pawng zongah kahdohnak fak ngai in a um tiah AA thawngzamhnak le Pianciazi tuanvo ngeitu Khanthukhah nih RFA ah a chim.

Nizan zing tiang zong kha kahdoh an ngol rih lo i khuami pawl hna cu an zamnak a si tiah Buti Taung myone pyine hluttaw palai U Thein Tun Aung nih a chim. Sitaung le Ganpin khuate in a rak zammi ralzam pawl hi minung 200 renglo an si i a tu hi Buti Taung myone chungah kahdohnak hmun he aa hlatnak hmun Sinkhung Ttan, Seti Taung, Sapa Tha timi khua 6 hna ah an i dor hna tiah a chim.

Cauh Taw myone Wataung khua ah nizan zing ahkhan cun ralzam pawl hi minung 800 an um hna i zanlei ahcun minung 900 an phan tiah a chim. An nih cu Myanmar ralkap nih Yuchaung chaklei ah eidin tirawl phurtlunhnak nawl an phih hna ruangah eidin tirawl an ngeih tilo ruangah a rak zammi an si tiah an chim.