Tattoo Kan I Suaimi Hi A Sual Maw?

Zeiruang ah dah mi cheukhat nih Bibel cafang bia an kan hal tikah, nangmah le keimah kan ruah nak le kan zumh nak in biahram hi kan thawk lengmang nak a ruang asi hnga? Aziah Leviticus19:28 ah pei nantak pum ah zeihmanh nan suai lai lo tiah Pathian nih a mi hna caah (Law) a kan khiah piak kha!!!

Micheukhat hna nih Tatoos cu a sual lo tiah an ti sihmanhsehlaw maw mipa_ maw minu Pathian bia pinlei in nangmah duhnak leikher ah a sual lo tiah biakhiah nak a pe tu ding ah nangmah cu mizei dah na si? Pathian nak in maw na ngandeoh? Pathian bia cu, a hnu lei le hmai a let tu ding ah le duhpoh in a fawnh i, a khirh tu ding ah nangmah cu mizeidah na si? micheukhat hna nih an zumh ning le an an pawm ning an chimmi ah maw na zumh nak cu na dirh ko lai? silo ah Pathian bia tu ah dah na zumhnak cu na derh lai?

1Corinth3:16-17 chungah kan hmuh mi cu kannih cu Pathian biak in thiang kan si nak khawng kha (Paul) nih fak piin avun lankter cun a vunpeh rih mi cu “Pathian biak in cu a hrawh ahcun amah cu hrawh asi ve lai” tiah Pathian nih bia a khiah zeicatiah Pathian biak in cu a thiang mi asi caah nanmah hrimhrim zawng hi nanthian ve awk a herh tiah ati.

Cucaah U-le nau hna minung kut sak biak in hmanh kan fa le, kan nau le nih an duhpoh in an suai i, an duhpoh in an hnawmh ahcun kanthin a hang sihmanhsehlaw Pathian kutchuak sermi minung kan si caah kan duhpoh in kan pum hi suai ve usih law Pathian nih zeitin dah a kanhmuh ve ning cang hi asi hnga? Ruah a biapi ngaingai.

Credit: KHZT