Pastor Riantuan Hi Vawlei Cung Rianah A Har Bik

Pastor rian a tuan bal lomi hna nih cun, Pastor rian hi vawlei rian ah a fawi cem tiah a ruatmi an um. Pathian rian cu pumpek in tuanmi a si caah a har khun ko. Pathian rian cu pumpek nak le teimak ngai in tuan tung lo ahcun tuan lo law law kha a rak tha deuh. Zeicah tikah Pathian riantuan cu fial chom ruangah aa lim kho dingmi riantuan a si lo (Jer 48:10). A ngaingai ti ahcun pastor rian tluk in vawlei cungah rian harmi a um lo.

  1. Pastor rian cu, Nazi khiah awk tha lomi a si. Company rian cu nikhat ah Nazi 8 lawng tuan a si. Pathian riantuan cu minung nih an herhmi poah tuah piak a si caah Nazi in khiah khawh a si lo. A caan ahcun hospital ah kal a hau, a caan ahcun (prison) thonginn ah kal a hau, a caan ahcun refugee camp or office ah kal a hau, a caan ahcun immigration office ah kal a hau, a caan ahcun counseling tuah a hau Nazi in khiah awk a tha lomi rian a si.
  2. Pastor rian cu, tuanmi Nazi zat in tuanman pek a silomi rian a si. Tuanman hmuh lomi rian hi vawlei mit hmuh ahcun hruh rian pakhat a si.
  3. Pastor rian cu, tuanmi rian cungah soisel i huap chapmi thinlung tha a baa tukmi rian a si.
  4. Pastor rian cu, zapi nih rian fawi ah ruah piakmi a si i lahkhah (salary) tha tein pek lomi rian a si.
  5. Pastor rian cu, ai lim cang ti a um bal lo. Biakinn kan sak ai lim ko nain pastor rian cu ai lim cang ti a um bal lo. A tlam a tling ti zong a um kho lo. Member nih midang pastor he cuai thlai pengmi rian a si.

Keimah ruahnak: Pastor te an i nuamh caan cu, (1) members nih an upat hna, (2) an dawt khawh chung in an dawt hna, (3) an bawmh khawh chung in an bawmh hna, (4) an si khawh chung in an nawl an ngaih hna tikah pastor te cu an i lawm ve i, an retheih thabaa vialte kha an philh than tawn.

Credit: Victoraunglin