Nungak Pawl Zeidah An Ni Sum Khawh Lo Bik?

Nu pawl nih chim an duh lo nain an chim duh lomi le an lang ter duh lomi thil a tampi, Nu cu a zakzum mi an si caah a sinain pa fim nih cun theih kawh an si ko.

Vawlei cung thil sining le Minung kan nunning zoh tikah Nu Nih Pa Helh, kan duh timi chim hi cu Over Luan tuk lo cun Nu pakhat caah a har ngaingai. Asinain Nungak Pakhat nih Tlangval pakhat a duh tikah a chim lemlo zongah A Cawl Cangh in a langhter ve tawn. Nungak Pakhat nih Aa ka duh ko tiah Pa Pawl nih an theihnak Phun hna cu atanglei bantukin an si.

Pakhatnak ah. An Duhmi Tlangval pawl an um ah Ningzak nawn in an um theu tawn, kha hlan an um bantuk siloin zoh phun in an i laa khi tikah Pa nih mah nu hi aa ka duh,uar pah ti theih khawh a si. Pahnihnak ah. Nu nih kan duh ti an chim lemlo nain ruah lopi ah an duhmi tlangval khi an tongh khut tawn hna. An tongh hna zongah cikkhat lopi ah tawng theng loin an tak tongh khawhnak lam an kawl ve tawn ti si, khi tikah Pa nih aw mah nu hi aa ka uar pah ti an theih khawh.

Pathumnak ah. An Bia Holh in Pa nih Mah nu hi aa ka duh, Uar pah ti an theih khawh. Kha hlan an chawnh biaknak in a phun ai dan deuh si cun, Mah nu nih hin aa ka duh,uar ti na theih lai. Palinak ah. Nungak pakhat nih Tlangval pakhat a duhnak a langhter ning cu, a Mui hmai le aa mi zoh in theih khawh a si.

Panganak ah. Nungak Pakhat nih a duhmi tlangval cu, a fak khun lai, Midang nih a chiatnak an chim zongah a thatnak kong lei tu chim ai zuam lai. Cu nih a langhtermi cu Nu nih mah pa kha a duh ti a langhter. Paruknak ah. Nungak pakhat nih Tlangval pakhat a duhnak a langhternak pakhat cu, a thli tete in a ngiat, zoh peng lai, mah tikah Pa nih mah nu nih aa ka duh, uar ti kha i theih ding a si lai.

Ref: Takhon