Nau A Poi Liomi Hna Caah Hihi Theih Bak Ding

Naupawi lio mi hna nih Arti hi ei lengmang ding a si. Arti hi zeitlukin dah Nau caah a rak tthat timi kongah fiangtein thanhnak an tuahmi a si. Cun Federation of American Sociaty’s for Experimental Biology hna zong nih a dik bak tiah an cohlan in fianhnak an tuah cangmi a si tiah Dailymail nih a tar.

Arti nih hin Nu pawchung ah naute a ummi a ngandamnak a thatter pin ah an thluak a thatter culawng siloin a fim zong an fim ti si.Hi thil ataktak in a tuahtu Cornell University ah a dihmi kum a simi Analy nih a chimmi cu nau ka pawi lio ah hin nikhat ah Arti pum 6 in pum 10 karlak peng ka ei tawn tiah a chim.Ka einak tamnak a ruang cu kan sianginn ah kan rak cawn cang ruangah a si i, a dik le dik lo theih duh ah nikhat ah pum 6 nak tam lengmang ka ei tawn. Cuticun nau ka hung ngei i, angandamnak hrimhrim a thatuk. Cun a hung thang deuhdeuh kum 5 a si in sianginn kan kaiter i, ka fapa hi cathiam bik laksawng a hmuh peng. Cun kan fapa hi cazoh zong a huam tuk lem lo. Asinain an Saya te nih sianginn ah voikhat an chimh cang mi hi cu a philh kho ti lo i, a chinchiah peng.

Anu le pa hi a thluak tha mi zong kan si lem lo a sinain kan fapa tu cu a thluak ttha taktak. Atubantuk in a thluat a thatnak a ruang bik cu ka pawi lio ah Arti ka ei caah a si ko tiah a chim. Nau a pawi lio mi hna nih cun eipiak hrimhrim ding mi a si. Asinain duh tik caan paoh ah ei lo ding a si ve. Nikhat ah pum 6 nak tam lengmang in ei piak ding cun Zing ah pum 2 chun ah pum 2 zanlei ah pum 2 ti bantuk in ei piak ding a si. Cun Arti hi a si khawh ahcun a chumhchumh mi tu eipiak a tha bik.

Theih dingmi cu nau pawi caangka in eipiak lo ding a si lai. Nau vun pawi in thlathum a si hrawng in eipiak ding a si. Aruang cu thlathum an si ahhin naupawi mi kha minung taksa sihhram aa thok caah nau na pawi in thlathum a hungtlin ah ei piak ding a si lai. Thlathum a si in caanhman tein na ei piak ahcun na fa cu mithluak ttha taktak le a ngan adammi a si ko lai.