Mino Hna Hi Bia Hi Maw Na Nu Le Na Pa Sinah Chim Citcet Hlah Cih Mu

Minung tampi cu kan nu le pa hna sin ah hin awkam hrangin kan chonh, kan ti tawn hna. A tanglei i ka vun langh termi ahhin ka nu le pa mah tihin ka ti bal hna lo timi hi kan um theng lai tiah ka ruat lo. A liam ciami caan ah kan rak ti hna zong asi le a tu ni thawk bak in titi hna hlah uh sih tiah kan sawm hna.

  1. Ka theih ko, ka theih ko, hna na ka hnawh tiah kan nu le pa hi ti hna hlah uh sih. Mi cheu khat nih cun kan nu le pa nih kan caah a tha tiah an ruahmi an kan cawnpiak tikah hin fale nih hna na hnok, ka theih ko tiah awka hrang in kan ti tawn hna. Hi kan ti lio ah hin kan nu le pa zeitluk indah an lung a fah hnga. Kan nu le pa lungfah tertu si hi kan duh ko maw? Tu hnu cun va titi hna hlah uh sih mu.
  2. Phone an kan chonh tikah ka nu ka pa a herh mi um lo cun ka chiah lai va ti bak hlah. Mi cheukhat cu kan nu le pa nih phone an kan chonh ah hin, kan darling hna chonh duh ruangah maw kan hawi le chonh duh ruangah maw kan nu le pa hna cu caan kan pe hna lo i, phone kan chiah khanh tawn hna. Na nu le pa nih phone an chonhnak a ruang hi kan hngalh piak hna a herh bakmi asi.
  3. Ka nu ka pa kan chimh hna zong ah nan hngal lai lo, nan theithiam lai lo, va um sawh ko uh va ti bak hna hlah. Mi cheukhat nih cu kan nu le pa nih ka fate hi a pial sual lai maw, lam dik lo a zul sual lai maw ti phang ah kan konglam hi an kan hal tawn. Hi bantuk caan ahhin kan nu le pa hi kan konglam kan chimh hna ding asi. Na theithiam lai lo, na hngal lai lo kan va ti hna ding asi bak lo.
  4. Ka nu ka pa ka chim hlah uh. Keimah tein ka theih tuk ko va ti bak hlah. Nu le pa nawl ngeih lo cu zubui lam thlang pial bangin pialnak asi.
  5. Ka nu le ka pa chan tiluan a dawi zia nan thiam ti lo. Nan hnu tuk cang va ti hna hlah. Na nu le pa nih a nin chimh lo asi cun chan ti luan nih an kalpi sual lai i, muihnak ah na tap sual lai.
  6. Ka nu ka pa nan meh chumh mi thaw lo tuk va ti bak hlah. Na nu le pa an ngeih na chiat ter sual lai. A thaw lo zongah ka nu ka pa nan chumhmi a thaw tuk va ti peng hna law, na nu le na pa an i lawm zungzal lai.
  7. Ka nu ka pa yiah ka ihnak room hi rak tawlrel hlah kan ti ko tunghna. Yiah nan duhduh in nan chiah hna. Ka thilri ka kawl i ka hmu kho ti lo hi va ti hna hlah. Na nu nih na pa nih ka fa nute ka fapate a baa tuk sual lai tiah an dawtnak nganpi he an tuah piakmi asi khah.
  8. Ka nu ka pa keimah tein ka ei dingmi ka theih ko. Nanmah nih pek ka hau lo va ti bak hlah. Nangmah nih anmah duhnak tu kha tuah piak vaa zuam.

By/ Salai Tluangte