AThlacamnak Kong A Chim I Mipi An Khuaruah A Har Dih

Minthang Gessica Notaro hi Italian muidawh siangpahrang nu tiah an auh i, a dawh bakmi asi. Muidawh zuamnak zong ah pakhatnak a rak hmu cangmi a si. A hmaiah atlangval nih acid a toih hnuah TV ah a rak langh cu a rawk dih cikcek cang.Atlangval Jorge Edson Tavares, 29 he an i phiat. An phiat hnuah thihpheihnak atuah lengmang. Rimini khua i a inn ah acid in an toih. A hmai a kangh dih, amit tiang in a kangh, a pum chung tiang in a ke tiang a kangh.

A tuar ning a fak tuk hringhrang.Sizung ah a thlathla in a um i a dam ngai cang.

Asinain a muidawhnak vialte a rawk dih cikcek in a rawk. ‘A ka tuahsernak TV in rak ka hmu seh’ a ti i, TV ah a tuarnak le a inmi vialte a phuan dih. Mipi zong an lungfak tuk. An thinhung.TV ah arak chimmi cu ‘ka nun ning sersiam than ding cu a har tuk cang. A hlan ka nunnak he kaa hlat tuk cang.Acid nih ka hmai a ei chin lengmang tikah ka khup kaa bil i thla ka cam.

Pathian sinah ka halmi cu ka muidawhnak ka lakpiak ko, asinain ka mit cu rawhter sawh hlah’ tiah ka hal a ti. A tuarnak kong a chimmi le a hmailei nunnak a ruah i a lungdonghmi nih mi lung a fahter i, zaangfak tuk hringhrang a si. Sizung a umnak ah £6,000 a hman cang. A tlangval thing Jorge Edson Tavares cu police nih an tlaih i an hren.

Ref: The sun.