Tulio Laimi Ramthum Nak Ah A Buai Ter Tontu Cu Hihi A Si

US Ka Phanh Hnuah Ka Nupi Misual Nu Cu Ka Then (Part 5)

Ca cawn nikhat ni cu a hung phan than kan nu cu rian tuan ah cun a Motor he cun a va kal, kan nu khah nuam tein rian tuan nuam mu ka ti. zoh huaha lo khin aw a ka ti, kei le kafa hniang tu cu Inn ah kan um i kan nu riantuan a kal hnu tlawm pal ah cun thil suk kan ni tim ve i kan thil ri suk ding cu ka khawmh hna, ka fa le Sianginn a kai mi pa thum an thil ri si kan nu a thil ri he cun a tam ngai kan Washing machine ah hin voi hnih thum hrawng cu suk ka hau, thil cu ka hei check hna Angki zar tete le Bawngbi zar tete kha ka hei pulh hna tangka hna a um sual lai tiah kan nu a Jens Bawngbi zar khat lei ah ca pakhat ka hmuh, ka lak i ka samh ka rel cawlh. Ai tial mi cu.

Ka dawt, kan ti ko lai poi maw? nangmah hi kan zoh leng mang i mi na thei thiam taktak lai dah kan ti, na thut dir kan zoh na umtu na ziaza kan zoh tikah hin nan pa hi cu ai miak taktak si a kawmh na nuam fon, nan pa hi cu ai nuam peng ko lai. Hmaizarh ni (Friday) ni nga ni cu kan rian tuan hi tuan ah kan off lai i Restaurant ah cik khat tein rawl va ei ta uh sih. Tawmpal te bia ruah ding hna kan ngei i a si kho lai maw? asi khawh ah cun mah hi ka Phone numbers a si i rak ka chawn te law rak ka confirm temu kai lawm. Hi Caa kan pek mi hi na rel khawh in rak hlawnh temu, nan pa nih a hmuh lo nak dingah.

Aaa.. kan nu hi Darling tlangval pei a va ngeih ko hi, a ho dah si hnga? zan lei rak tin seh hi an ca kuat hi ka rel ter lai, i zoh seh. Hi bantuk nu Bator nu rak tin citcet seh, a ha cang a rial cang, a thil suk mi zong a philh dih. Zan lei a hung phan, an nu cu a tin hlei lo a tlai deuhdeuh an nu tin caan cu a nai thluahmah, a phan ti lo a rak tlai deuh thluahmah cang, ziah aw a rak tin cang hnga lo a ti, an nu cu pakhat pa a hawi pa nih cun a Motor cu a rak mawngh piak i duh sah in an raa, an Inn phanh lai tiang a rak thlah ta i an Inn an phanh lai teah a tum i a tin.

An nu cu Inn cu a phan, a Motor cu Parking ah a hung park. Inn chung ah cun a hung lut, kan pa ka baa tuk Ti kik rak ka pe tuah a ti, an pa nih cun ziah voi dang ah Ti na hlam bal tung lo, na chung maw an theu? a ti an nuh nih zeitin e? Inn i duh paoh in a um ko mi nih zei tin na ka ti? na ning zak lo maw, rian tuan mi ka si hi na thei lo maw? an pa nih cu daih, nangmah nu hi rian ka tuan na hei ti rian na tuan nak ah hin zeitin dah na um na thut dir ning hi kan theih dih tu ni thawk in a hung ti. an nu nih cun.

Part 6 nak kan peh than lai.