Jesuh Khrih Nih Zeizong Vialte A Ka Tei Piak Dih Tiin Lawmhnak He A Tap

Keimah cu Maryann ka si i ka thang liannak cu zuuding chungkhar in a si. Kapa hi zuu nih a lem tuk cangmi zuu din loin a um kho lomi zuu sal a si. Kapa nih hin kanu hi atu le tu in a velh tawn i meithal in a kan tlerh lengmang.Kan chungkhar hi buainak lawng tein kan khat caah atu le tu in palek nih kan inn ah an kan chuah hnawh lengmangmi kan si. Kapa nih thah dingin a kan timh lengmang.Cucu ka ngakchia lio i kan chungkhar sining ka philh kho lomi ka lungthin chungah a cam pengmi le ka theihmi cu an si.

Asinain, keimah zong kum 12 ka hung si bakin kapa nih a rak tuah tawnmi le a rak din tawnmi zuu cu ka ding ve i kapa nawl cu cawn hram ka thawk ve i ka ding ve. High Schol ka kai cuamah lioah damh khawh ti lomi cancer zawtnak ruangah kapa nih a ka thih tak.Cuhnu kum caan tlawmpal a hung kal i kum 17 ka hung siah va chiahru kapa le keimah bantuk a simi zuu a tongh vemi zuu salpa cu ka vat. Zuu ka ding cuamah buin hi zuu ka caah a tha lo ka nun a ka hrawktu a si ti ka theih i ka ngol cang lai ka zuudin hi ka tiah ka duhnak a zual chinchin i ka kal tak kho lo. Ka vapa he kumli chung kan i um hnuah kan i tthen than i thli ralkap(Air Force) ah ka lut.

Ralkap chung ahcun ka nun hnemtu dingah Pa le zuu lawnglawng hi kawl i ka zoh lengmang nain zuu cu ka ding kho tuk ti lo . Ka nunnak ah hnangamnak ka hmuh ko ti lo. A ka dawtu ding pa ka kawl i inkhun pakhat hnu pakhat ka thlen lengmang pa phunkip he ka ih zongah hnangamnak ka hmuh kho hlei lo. Caan cu a liam lengmang i raltuknak vanlawng a monghtu pa Michael timi pa he kan i ton i, amah cu midang pa bantuk a si lo a  nun a thianghliam i a nun a dawh mi pa a si ka sinah ih ve dingin ka lem lengmang i a ka al a duh lo. Cu ka lem lio ahcun Jesuh Khrih kong le a zumh ning vialte kong cu a ka hrawm i Biakinn ah a ka hruai.

Michael mithmai ka zoh ahhin midang bantuk asi hrimhrim lo a mihmai zoh ah ceunakpi khi um dawh in a langh. Anih cu Zuu zong a ding lo a minung sinak man kha tha tein a kilven khomi pa a si kha ka hngalh i amah ka hmuhnak thawng le amah he kan itonnak thawngin Jesuh Khrih kong tampi theih duhnak lungthin ka vun ngei.

Cuticun, Michael he cun kan i komh deuhdeuh i a luancia caan i ka konglam le ka nunning vailte Michael sin chim ding zong kha a tih in ka tih ka chim ngam lo.Ka nunnak ah a luancia caan ka nunning ka ruatthan tikah fahnak tampi ka ing. Cuhnu tlawmpal ahcun Michael cu Arizona khua ah an thial. Michael an thial hnu thla tlawmpal ah ka hawile thitumnak puai va zawh ding ah phoenix khua ah ka va kal i cu lio ahcun Michael a umnak zongah ka va leng pah i ka sining vailte cu ka chim dih.Cutikah Michael nih cun Job tuanbia le Job a nunak ah zeitluk indah sifahnak a ing i zeitluk indah sung zatlaknak a ton timi kong vialte a ka chim.

Cu kong cu ka theih tikah ka thinlung hi a linh dih mi bantuk khin ka um i ka thinlung hi a tur i tli selaw cu ko cu ka lo, cu lawng hlah ka pum hi mei nih ka kangh sehlaw a dawh. Pathian bia a nung mi asi ti mi ka theih i cu lio ahcun Pathian aw taktak nih khin bia ka ruah sehlaw cuko cu a lo. Cutikah ka chim mi cu Bawipa ka ngaithiam tiah ka au i ka nunnak ah bia halnak a phunphun a hung chuak. Michael nih a ka chimmi Job a nunak kong vialte kha ka lungthin chungah a hung chuak i Job zong kha a ngeimi chawva le zeizong vialte sungh dih hmanhsehlaw a donghnak ah Bawipa nih nunnak thar le thluachua he lam a hruai than ko ti kha ka vun hngalh than i ka nunnak ah lawmhnak in ka khat i ka tap thluamah. Zaangdam tein ka thaw ka hung chuah khawh i, ka tha a dam tuk .

Zeizong vialte chungin ka luat cang i ka nung cang timi lawnglawng ka ruat cang.Ka sinah zeidah ai cang hnga tiah keimah le keimah bia ka hal, a ruang cu ka nunak ah atu bantukin lawmhnak le dainak ka hmuh bal lo i ka ton bal lo caah a si. Pathian sinah ka chimmi cu, ‘Bawipa ka ngaithiam ko a luancia mi caan hnu lei ka nunning a chiahru taktakmi pawl vialte zong kha ka ngai thiam ko ka din tawnmi zuu zong nangmag nih ka tei-piak ko’ tiah thla ka cam i Pathian nih khuaruahhar taktak in a ka teipiak dih.

Cu ni thawk cun Bawipa Jesuh Khrih sinah ka pum ka pek i zeizong vialte ka tuahtawnmi le ka din tawnmi pawl kha ka kaltak hna. Cuhnu, zarh hnih ah Michael he cun kan i umh i Pathian nih thluachuah rosung fa pahnih a kan pek i, kan chungkhar in (Broken no more) timi hmuitimh in Pathian rian kan tuan cuahmah lio a si. Kum 17 chung keimah duh in ka caan vialte ka rak hman i a chiahru taktak mi nun tiang ka phan, sihmanhsehlaw, Pathian nih cu ka dirhmun le ka sining chung cun a ka chuah i a thlachuahnak he lam a ka hruai.

Zeibantuk dirhmun le zeibantuk sualnak na tuah zongah Pathian nih na sualnak an hmuhpiak lo Pathian nih an dawt tuk. Na umnak hmun khan Pathian kha auh law keimah a ka khamhtu le keimah a ka chanhchuah tu Pathian nih a chanhchuah ve hrimhrim lai.Pathian nih an dawt tuk minung ka sualnak hi Pathian nih a hmuh lo Khrih Thisen lawnglawng a hmuh. Na umnak hmun khan Pathian auh ve cang law an khamh ve hrimhrim tiah bia kan kamh hna.

Note: Atanglei ahhin a tuanbia a chimnak video cu zoh khawh a si.