Nai Thlakhat Chung Laimi Phung Chimtu Hna Nih An Chimmi Le Sermon Tawi Thlahmi Ka Rel Ve

Nai thlakhat chung Laimi phung chimtu hna nih an chimmi le sermon tawi thlahmi ka rel ve tikah a hmanmi lo ngai tung i a hman lo mi tete an um len rua tiah ka ruah. Soisel siloin minung kan si caah palhmi a um ko lai. Asinain Pathian bia chim cu a si khawh chungin ralrin a herh. A kan cawnpiak tu hna nih kei cu Saya ka si.

A ngaitu cu sianghngak chia nan si ti lungput in chim ahcun ralrin loin palh a fawi te. Jesuh nih amah le mah kha Pathian fapa ka si a ti bal lo. Mi nih hrinmi mi fapa ka si tiah a chim lengmang. minung Jesuh nih a nunchung mi cungah Saya a tuan lo i Saya lungput a ngei lo.

Zumtu Pathian fa le kan nunnak chungah Thlaurau in a kan um pi tik zongah mi toi ah aa dor i bawmtu dirhmun in a kan um pi. Kei cu Pathian nannih cu minung tiah saya lungput a ngei lo. Saya lungput kan ngeih ahcun Bible cafang chungah aa thupmi Pathian biathli sullam hngalh dingah kan i hlat kho.

Jesuh vawleicung a nun chung vialte a chungah aa thupmi Pathian thlarau a bia lawng kha a ngai i a tuah. Cucu Cathiang nih Pathian thawnnak minung Jesuh titsa ah a lang a ti. Cucu minung Jesuh i teinak a hmuhnak tawh cu a si. Cucaah Rev. Mth Dr saya lungput a ngei mi nakin Thiangthlarau he i hoikomhnak a ngei peng i Amah aw kha tam deuh a ngai i Pathian biathli a ngeimi cawnpiak tu kan herh taktak cang.

By : Salai Tin Maung Win