Hi Nu Hi Pa Cu A Nun Ah Hmuh Ding A Um Lo Tiah An I Nih Sawh Tawn Maw?

Khipa/nu cu ka piangthar aa ti ko nain a nun ah zeihmanh hmuh khawh ding a um tiah an i ti tawn maw? A nih tham cu aa pum ve sawhsawh i si ko a nun ah zeihmanh ka hmu lo tiah na kong an chim tawnmi an um maw? Culawng siloin biakinn chungah alaam ko nain a nun ah hmuh awk a um lo tiah na kong an chim tawn maw?

Cun amah vanram a kai ahcun kei zong van ah ka kai tuk lai tiah na kong an chim tawnmi an um ko lo maw? Khrih a cohlan rih lomi, apiangthar lomi hna nih hi biafang pawl hmangin mi an kong an caih tawn hna.Sihmanhsehlaw hi bia an chimnak a ruangah cu kan nun ah hmuhmi an ngaih lo ruangah siloin hnahchuahnak an ngaih ruang tu ah a si.

1 Peter 4 chungah Cun atu cu Lawkihmi hna kha, cu bantuk nunning ah cun nan telpi duh ti hna lo caah an kuaruah a har i nan nih kha an in serhsat hna.Sihmanhsehlaw a nungmi he a thimi he bia a ceihtu ding Pathian hmaiah cun an chuak ve lai i an bia cu an i chim ve te ko lai a ti.

A nun ah zeihmanh ka hmu lo tiah chim lengmang ko hna hmanhsehlaw Khrih a cohlang taktak mi hna cu fiangtein an hmuh khawh ko hna ti a fiangmi a si.Aruang cu an zawhmi lam zawh ve usihlaw. Khuaruahhar lei in aaaa a piangthar nain a tluu tthan ko khih tiah kan kong an caih tthan tawn. Cu ruangah cun a cung langhtermi bia hmangin dohkalhnak phunkip kan ton caan zongah lunghrinhnak le lungaw ttawmnak um lo tein sualnak lam ahcun kirtthan ti hna hla usih law, Pathian caah zumhawktlak tein um in a bia ngai peng ko hna usih.

Abia ngaimi hna hi minih soisel le thangchiat si ko hmanhseh Pathian nih kan nun aa kan hmuh ko ti hi thei hna usih law a duhning tu in hmailei ah kal ko hna usih. Bawipa nih sunparnak co ko seh.Amen

Credit:SZ