Aa Hohmanh Nih Pathian Hmuh Khawh A Si Lo : Jonh Fredy

Aa Hohmanh Nih Pathian Hmuh Khawh A Si Lo : Jonh Fredy

Zohhmanh u, Pathian orhlei kamah tin bia a thawk caah ahodah a hmuh hmas Pathian cu hnuah Pathian orhlei kamah a dirmi Mi Fapa kha ka hmuh,” ti caah van ai ong mi a hmuh i, Pathian a hmuh i, a orhlei ah Jesuh a hmuh.

Baibal an tial ning kan ruah lo, kan tuaktan lo a si ahcun na rel ah khan tuaktan hmanh na relmi poah na zumh colh ahcun a tial duhnak a sullam na nganh lai. Pathian cu zeitin dah Steven nih a hmuh lai, Pathian hmuh khawh a si lo, a orhlei maw a si i, a kehlei dah si timi zong kan theih lo.

Jesuh dir cu va hmuh ko hmansehlaw Jesuh a dirnak kha Pathian orhlei kam a si ti a hngalh ding ahcun Pathian hmuh chih a hau. Steven nih Jesuh a hmuh chih hi nan zum rengreng maw? Kannih cun Steven nih a hmuhmi cu Jesuh a si i, Jesuh cu zeitin dah a hmuh ti ahcun a cunglei ah khan, a hmuh hmasa mi cu sunparnak a hmuhmi cu Pathian sunparnak kha a si. Pathian sunparnak a hmuh caah Pathian orhlei kam i a dirmi Jesuh kha a si i, sunparnak cu Jesuh ah khan a um cang.

Judah mi nih Pathian sunparnak kha Pathian orhlei tiin an chim tawn. Cucaah cun orhlei timi nih hin sunparnak timi a hmuhsak. Pathian orhlei timi le Pathian sunparnak timi hi aa khat. Pathian sunparnak in Mi Fapa kha thawhter a ti lengmang, Pa sunparnak a thawhter a ti bal loh. Steven Pathian sunparnak a hmuh i, Jesuh a hmuh chih. A baan thluan a hmuh hrimhrim lo.

By : Evan. Jonh Fredy