Egypt Cozah Nih Zeidah A Chim Zeidah Antuah Lai?

Egypt ram Cairo myo leng ah bom a puah ruangah a puah tu an si ko tiah lunghrinh mi minung 40 hna cu an tlaih hna i an thah hna. December 28 ah khan Cairo myo pawng kam ah a ummi Pyra river pawng ah bom a puak i khual tlawng pawl le Egypt rammi pawl hna nih hliamhma an tuar pin ah a thi mi zong an um.

Cu ruangah bom a hmenh tu tiah an lunghrinh mi minung 40 hna cu an tlaih hna i an thah hna tiah Egypt ram nawlngei tu hna nih nihzan ahkhan thawng an thanh. Nizan tihni ahkhahn Cairo myo lengah bom a puah lio ah khan Pyra river pawng a hungphan mi Bus motor kha a puah hnawh i cu Bus motor a hun i citmi Vietnam rammi minung 3 le Egypt ram mi khual tlawng pawl lam hruaitu (Tourist guide) pakhat hna cu an thi.

Culawng siloin hibantukin bomb puah hnawh an tonnak ruangah Bus ah a cuang ve mi a dang a tangmi vietnam ram mi minung 9 hna le Bus mawngtu Egypt rammi pakhat hna zong hliamhma an tuar tiah thawng thanhnak an tuah chih rih.

Cu ti bom puahnak cu kum 2015 hnu ah khualtlawng pawl thah duh ah avoikhatnak bik puahmi bom a si. Kum 2015 lio ah khan Egypt ram Sinai rili fonghlei pawng ah a zuangmi Russia vanlong pakhat kha bom in an rak kah i khual 224 nunnak a rak liam.