Vulei chung tlangsang 7 kong hna le a min hna asang ning- carel huam mi caah.

Vulei chungah tlang sangbik kan ti ah cun Everest kan ti lai, cun kawlram tlang sang kan ti ah cun Khakabojayi asi timi theih ceu as. Atu ah cun continent  ah tlang sang 7 kawng asi lai.Everest tlang cu India le Nipal ramri ah um mi vulei chungah asangbik tlang asi. Nipal holh in “ Sagarmāthā “ tiah China/taluk holh in “Chomolungma” tiah an ti. Fts 29029 sang asi. Cu tlang ah cun 1856 ah walah phun asimi George Everest min thangthatnak dingah (Everest Mt.) tlang tiah min an bunh mi asi.

Everest tlang hi kum 60 millions upa asi cang, akiktuk caah mynus -62 degree C, asi tawn. Thlihrang ning zong acancan ah cun 1 hour ah 200km tluk thawngin ahrang mi asi. Nikhua can thatnak bik cu May in September thla hi as.

  1. Elbrus tlang Russia, Europe

Europe ah asangbik tlang asimi Elbrus cu Russia thlanglei ah um mi” Caucasus” tlang pawl ah um ve mi tlang pakhat asi. Mah tlang hi mei tlang asi i “ dormant” phun asi. Dormant Volcanoe timi cu a hlan lio ah kum tampi apuak tawn mi tlang asi. Cu caah cun meitlang tiah min angei nak asi. Elbrus tlang hi Fts 18510 asang asi. Mah tlang hi meichuahnak hmun 2 a um. Elbrus tlang hi kum 2.5 millions upa asi cang. Akau nak hi 53 sqr km asi. Vur tiva tiah 22 a um.

  1. Mount Kilimanjaro tlang Tanjannia Afarica

Afarica chaklei Tanjannia ah ummi asi, Afarica tlang sangbik asi, Fts 19341 asang asi. Mah tlang hi amin phunphun ngeih mi asi tik ah cheu khat hna nih cun alian ngan ngai mi tlang

“the Mountain (Kilima) of Greatness (Njaro)” tiah an ti. Mah tlang ah cun “Kibo”, “Mawenzi” he “Shira timi mei chuahnak 3 a um. Cun tlang hi asang ko hmanh ah mi zei poh kaikhawh asi, kum fatin te in minung thawng sawmthum hi akai lengmang mi asi. Mah tlangchungah hin hmasa bik in German Hans Meyer le Australian Ludwig Purtcheller cu 1889 ah an kai hmasa bik an si.

4.Aconcagua tlang Argentina

Thlanglei America tlang sang bik cu Argentina ah ummi Aconcagua tlang asi. Indi tlang pawl chungah tlang pakhat asi. Ahnulei alai hrawng i ummi Mansa State chungah ummi asi, Fts 22837 a sang asi. Mah tlang cung ah hin Vur/snow atam ngainak hmun asi, cun vur tiva tiah an ti mi 6.2 km asau mi “Ventisquero Horcones Inferior” tiva asi.

Asia ramchunga tlang sang bik hnu ah cun mah Aconcagua tlang hi asang bik cem tlang pakhat asi. Mah tlang ah hin akai khawh hmasa bik cu  Swetzealand  mi “Matthias Zurbriggen” hi akai hmasa mi asi.

5.Denali tlang chaklei America

Chaklei America ah ummi tlang hi ahlan lio ah cun McKinley an timi, atu ah cun Denali tiah asang bik mi tlang pakhat asi. America Aletjaca State tlang chunga ummi tlang pakhat asi. Mah tlang hi Fts 20310 asang asi, Denali timi min cu khuachung pawl “Koyukon” phun nih min bumhmi asi caah asul lam cu Asunglawi/lianngan “The Great One” tinak asi. Mah tlang hmunkip ah hin Vur/snow atam ngaingai ko. Nikhua can akik ning cu minus -60 to 80 C degreee tiang asi khawh.

6.Kosciuszko tlang Australia

Australia tlang sang bikmi cu “Kosciuszko” tlang asi, Newsouh ah ummi tlang pakhat asi.  Snowy tlang chunga ummi tlang asi, Fts 7310 asang asi. Mah tlang min cu 1840 kum ah Poland mi “Paweł Edmund Strzelecki” nih Ralkap bawi asi mi “ Tadeusz Kościuszko” cu thangthatnak caah pek mi min asi. Khua chungmi pawl nih cun Kozzy ti in min an auh. Vulei chung ah um lo mi thingkung le saram hna tampi a um tiah tial asi.

7.Vinson Massif tlang Antarctic

Antarctic ah ummi tlang sang cu Vinson Massif asi, Fts 16050 a sang asi. Mah tlang hi Antarctic chaklei bik cem ah ummi asi. Vinson Massif tlang hi 1958 kum ah America minung pakhat nih ahmuh mi asi. Tlang min cu Antarctic Research pawl nih bawmh mi America pa MP asi mi thangthatnak dinga “Carl Vinson” min cu bunh asi. Mah tlang cung ah hin 1966 kum ah tlangkai tawn mi “ Nicholas Clinch” nih ahawi lei ti in an kai pi khawh nak hmasa bik asi.