Russia Nih Israel Sual A Puh Ning Cang Lo Tukin A Kan Hlen A Ti

Israel nih An kan hlen ruangah raldohnak vanlong an kahthlak tiah Russia nih an chim.Syria ah Russia raldohnak vanlong kahthlak a sinak cu Israel air-force (vanlong ralkap) hna nih a silo ningin thawng thanhan tuah ruangah a si tiah Russia nih an chim i Israel vanlong mawngtu pawl zong an thiam loh tiah a chim.

September 17 ah ralkap 15 nih an zulhmi Russia Ilyushin-20 vanlong cu Syria dungci in an kahmi he pehtlai in dotthlatnak an tuahmi a result cu Russia ralkap in chimrelnak nawl a ngeimi Gona Shingost nih September 23 ah khan fianternak a tuah cang.

Cu pin ah Israel raldohnak vanlong mawngtu pawl cu an mah raldohnak vanlong nakin a ngan deuhmi Russia Il-2 van long i aa khamnak ruangah Syria Sophiyet s-200 air line shield nih Russia vanlong cu kah awk ah an rel sual i an kahsual tiah Moscow nih sual an rak phot hna.

Hi sualphotnak he pehtlai in Israel nih an elhna i vanlong kahthlaknak a can hnu ah a tu le tu ti awk in Israel vanlong ralkap uktu cu Russia ram ah a va kal i a va phisin tawn. President Putin nihcun a tu kan tonmi vanlong kahtlaknak a cangmi hi ngeih a chia ngaimi accident a si tiah a chim.

Hi Russia ralkap vanlong kahthlaknak an tonmi hi 2015 lio Syria ah Russia ralkap pawl nih kahdohnak ah an rak i telnak thokin Syria pawl a biapi in a rak bamtu Russia hna le an mah Syria hna karlak ah accident ruangah a tu tan thil ahhin a thimi an tamcem.