Pu Henry Van Thio Nih A Testimony A Chim

PU VAN THIO THIHNAK CHUNGIN ALUAT VOI 2 NAK PART- II: 1996 Kum ah L/t. Bo Van Thio ( Platoon Commander) cu Kachin ram Phakanh SAMA Lunghring khur veeng dingin ttuanvo pek a si. Vanchiat ah Malaria Typhoid nih a tlaih.

Ralram ah an thlop len ko nain zual lei tu a panh chin lengmang tikah an Camp cun Lungkhin leiah an kalpi. Thla 1 chung rawl ei khawhlo cang ahcun atha adih i lam zong akal kho ti lo. Lungkhin khua lei an kal lio ahcun ruahpi ban ngaw in a suur.Lungkhin tiva cu zoh ngam loin arak lian. Kalchih lo awk nih attha fawn lo. Cuticun khuaruahhar le awlokchong in an um. Sai tal icit ko ne seh ti asi. Sai zong cu Sai puitling asi rih lomi Saila te kha asi. Cuticun Sai congpa le ralkap 1 he an icit i an tanchih ko.

Lungkhin va hi tiva thlaakchia taktak tisuar ahlonh in aahlonh mi tiva asi. An hon tan i tiva laicer hmanh an phaak hlan-ah Sai he minung he tisuar lakah an ilet thluah mah ko cang. Sau lakte afenh hna hnuah Bo Van Thio cu Sai cungin azuang. Ti hleuh zong athiam fawn lo.

Hmaw-carau zuan khi asi cang. Saupi ahei fenh hnuah tikam leiin ahung awlmi mau hnah te kha a saimahrang khin aa tlaihfuh i cuka cun atang ko. Ti kam taktak zong asi rih lo.Cu mau hnah te cu cat sehlaw Uzuh tivapi ah athlaak hnga i, anunnak adih ding khi asi.

Cutikah, harnak kan ton caan-ah kan pawng te-ah aum zungzal mi a Pathian sin ah thla acam. Maw ka Pathian ka nunnak hi ka khamh ko sawh tiin a au. Cuvial ahcun mauhnah aa tlaihmi kha mauhnah siti loin mau dong taktak kha arak si. Halleluijah. Maudong atlaih hnucun ka thi ti lai lo ti kha a hngalh.

Cu maudong ziik tecun a Pathian nih maw kafa dawt atinak akut cakin a hun tlaihnak kha asi. Cuticun tikam lei ahcun him tein ahung chuak kho. Ti tamtuk aa dolh, acau tuk cang. Hihi Pathian nih na caan aza rih lo ati caah thihnak chungin nunnak ah akhamh hrim2 mi asi.

Ti kam leiah ahung chuah cun ahawi le nih an hun zuanhnawh i, Maymyo ralkap Siizung ah Vanlawng in kuatcolh asi. Khuaruahhar asimi cu a pistol thlahlo bakin tikam ah achuahpi khawh hi asi. Pistol thlau sehlaw, hriamnaam Case in amin achiat lai kha aduh hrimhrim lo.

Pathian nih thazaang thar kha apek i, arak khamh bantuk in ahmaanmi lam-ah atu tiang ahruai.Tilian zoh ngamlo nih fenh ko hmanh seh a tthiangtthunh le atanbo nih ahna angamter. Alu-ah chiti atoih i, ahrai cu aliam in aliam.

By. HC Than Bik Lian “Ralhrang Kut in a rak luatnak kong rel a duhmi nih hika link ah hin http: relkhawh a si.