NUPAWL NAN I RALRING NGAINGAI A HAU

Hngilh khawh loin um a that lo bantuk in I hngilh tuk zong hi minung ngandamnak caah a rak ttha ve lo.Hi pahnih chungah tutan ah vun langhter duhmi cu hngilh tuk a that lonak tu vun langhter duh mi a si lai.Korean Researcher hna nih a liamcia kum 2013 ah nu minung 650 hneksaknak an rak tuah hna.

Nupawl minung 650 chungah an hmuh chuahmi a si. Thanhnak an tuahning cun nikhat chungah suimilam 7 nak tam aa hngilh tawnmi hna cu an thi ngaih (Menstrual Cycle) mi a hnursuan khawh.Hi thil nih hin naupawi khawhnak hna kha tampi a hnursuan caah naupawi nak caan tampi hna cu hithil nih a buaiter ti si.

Dotthletnak an tuahning hmuhchuah mi cu Nikhat ah suimilam 8 renglo a hngilh mi cu zuunthum an ngei dih ti si.Takpum cawlcangh tibantuk i ralring hmanh hna sehlaw sautuk a hngilh mi hna cu an zunthlum zawtnak a santer ngaingai rih tiah thanhnak an tuah chih rih.Cun sautuk aa hngilh mi hna cu anxiety Symtom timi a chuahter i, cu nih cun lungzawtnak (Depression ) timi a chuahtertu hi a si.

A sullam cu hi thil nih hin mental depression ngaihkhawhnak ding lam tampi a chuahter tinak a si.A hleice in nupawl sautuk aa hngilhmi hna cu Alzheimer timi zawtnak he naihniam tein an um. Suimilam 8 nak tam an i hngilh a si ahcun Alzheimer zawtnak a chuahnak dingah C-reactive protein 44% in a kaiter tiah Dr John Hopkins nih a thanh.

Hi konghe pehtlaiin minung hi kan i lo cio hna lo.Cikkhat te duak tiah mitkuh a chuakmi hna kan um tawn. Kan mitkuh zongah kan taksa nih a harhmi tiang lawng kan i hngilh hi a thami a si.Mitkuh caan paoh ah sullam um loin i hngilh hi lufah le kengfah tibantuk zong ngaih khawh a si. Ngandam a duhmi hna nih cun nikhat ah suimilam 7 nak tam in ih lo ding a si tinak a si.

Credit: Esstee