Nai Teah A Kan Liam Tak Mi U Thong Kho Thang A Tuan Bia Tawi

Tamoe myone hluttaw Palai thing CRPP chungtel U Thong Kho Thang nih a kan thih tak cang.Kum 1990 tlinnak thimnak puai ah United Nationalities League for Democracy UNLD party hna an palai a si mi Sagain division Tamoe moe in thimnak ah a rak i pe i teinak a hmumi Chin Ttanyinthar hluttaw palai U Thong Kho Thang kum 67 cu December 27 ah khan Yangon myo ah a nunnak a rak liam.

U Thong Kho Thang hi kum 1993 ah ralkap cozah nih an rak tuahmi National conference kha a rak kai i upadi an rak tuahmi aa palhnak tete kha a rak chimh hna ruangah an rak tlaih i thong an rak thlak. Hi pa hi ralkap cozah uknak lio ah ramdang ah an sermi NCGUB phu hna ca zong ah ram chung in rian a rak tuan piak hna.

Cupin ah NLD party hruaitu pakhat a si mi U Thong Kho Thang hi tuan lio ah Daw Aung San Suu Kyi te nih an rak sermi CRPP pyithu hluttaw zakaa ah committee chungtel pakhat a rak si tiah thawng thanh nak an tuah mi chungah an talh chih rih.

U Thong Kho Thang hi Yangon myo Asia Royal Hospital ah si aa thlopnak in lung zawtnak, le Kal zawtnak in December 27 zan ah khan a nunnak a liam. A thih ahhin kum 67 a si i a nupi Daw Hlaing Mon le a fale pali hna cu a kaltak hna.