Mizoram in ara mi JCB driver 2 hna sin ah Kawl ralkap 2 nih tangka/phaisa an hal hna

Mizoram in ara mi JCB driver 2 hna sin ah Kawl ralkap 2 nih tangka/phaisa an hal hna

Chinram, Falam Dist ah motor lam cawh dingah ara mi Mizoram in JCB driver 2 cu Kawl ralkap 2 hna nih tlaih in tangka/phaisa 70 lack/ting an hal tiah theih asi. Cu thil phan mi cu Januar 11 ah asi.

Mah thil hi, Mizoram Champhai dist Vaphai khua ah um mi JCB driver 2 cu Chinram, Falam dist ah motor lam cawh dingah January 11 ah cun India le Myanmar ramri in JCB he an rak rat lio ah ramri palik nih tlaih in tang kyat ting 5 an hal hna tiah Vaphai khua Pu Zautea nih a chim.

Cu hnu ah cun JCB driver 2 hna cu Falam lei panh in an kal than tik ah Tibual khua ah cun Kawl ralkap 2 nih tlaih than in tangka kyat 70 ting/lack an hal tiah theih asi, i biaksawnhnak aremlo caah Vaphai khua lei ah kir than asi, cu tikah ralkap 2 hna zongnih an rakzulh ve i, Vaphaikhua tiang tlaih than an timh tiah Zautea nih a chim.

Ralkap 2 hna nih cun JCB key/cabi le license/document hna lak piak in kawlram lei ah hruai an timh hna na in driver 2 hna nih an tih cang caah vaphai khua mi hna nih cun Assamrifile ralkap auh in, kawl ralkap 2 cu thate in bia ceihpi in thilri hna cu an lak piak than tiah Zautea nih a chim.

Chinram chungah JCB hi riantuan nak ding caah azarih lo ngaingai caah Mizoram lei in JCB driver hna zongnih riantuan ding caah ara mi asi, atu thil cangmi ruangah Vaphai khua hna nih cun Kawlram lei ah kal lo atha lai tiah mipi hna sin ah bia thanhnak an ngei tiah theih asi.

Khonumthung News