Aungsan thuria Taihsun (Thai Coeng) Chin pasal tha

Akong tawi-

Matupi, Luivang khua A Pa Thanyei le A Nu Nainghaih fapa asi I, A hrinpi mi unau 3 an ngei. Kan Pa Aungsan Thuria Taihsun hi 1923 kum ah Luivangkhua ah a chuak I, kum 4 asi ah Apa nih athih/liam tak asi.

1936 kum in Matupi ah sengin akai I, 1940 kum ah Matupi sengiin in tangli 4 a aung, cu hnu ah tang 5  kai dingah Falam lei ah akal, Sayakyi Aung Doi sin in sengin akai veko nain afa nu nih a rem lo tuk ca ah ka dangah I thial akal, sengiin kai a duh tuk ko nain zohkhen/cawmtu angeih lo ruangah Kuli rianttuan nak lei ah Ai tlak I, kuli rian cu ava tuan asi.

1941 kum ah Burma Rifle ah alut, Kha san lio ah thlakhat lakhah salary cu Ks-15/- ahmuh,  1942 hrawngah cun 2nd world war hramthawh nak ai thawh cang ca ah, Kan Pa Taihsun cu India lei, Manipur Imphal ah an transfer/thial asi, Cun lakhah salary zong thlakhat ah Ks-19/- a kai ve cang. Cu hnu ah Calcutta lei ah Parachute he zuan ning,tlak ning, tintan training zarh 3 weeks a kai than. Cu hnu ah cun lakhah salary Ks-40/- aphan ve cang.

Cu hnu ah Kawlram lei ah akir than I, Cu san ah cun Group pakhat ah Chin Ralkap pawl cu  Battalions pakhat in an umter can asi. Chin Ralkap pawl cu aral atha, ral doh zong an thiam, Zei hmanh tih angei lo tik ah, Kawlpawl nih an rak tih ngaingai. Cuti cun Kawlpawl nih Chin Ralkap pawl hi Group pakhat ah kan um ter peng asi ah cun hmailei ah Kawl hi akan uk te lai tiah, an ruah pin ah an rak tiktuk ruangah 1952 kum hnu ah cun Chin Ralkap pawl cu, Battalions dangdangah minung 4-5 ti ban tuk in an chiah dih hna. Taihsun cu Bokyi akai cang I, a ral athat tuk ruangah cu ni in Min-Name 2 an ngeih ter cang.

1.Taih Kong,

  1. Taih Sun le p/number-5457-7208 tiah personal profile number zong 2 an ngeihter ve.

1960 kum thimnak Election can ah Ralkap zong Vote thlak ter dih an si ca ah Ne Win nih a chim bantukin aho poh ruaknak dintein naruah hnu ah Ram Hruaitu ca ah atha lai natimi te khan a vote lai tiah Ne Win nih bia a cah hna ban tukin an vote thlak hnu ah “ U Nu” cu  vote tam bik cem hmu in a tling mi asi.

Kan Pa Taihsun le a hawi minung 35 hna cu Ralkap an luh lio ah Ralkap Bawi pakhat nih Kan Pa Taihsun cu thingkung par ah athu mi vate khi nakap lai mu, mah vate khi na fuh ah cun hmai lei ah Ralkap Bawi nasi te lai tiah a chim I, Kan Pa Thaihsun nih Ralkap Bawi chim ning te cun akah tik ah afuh taktak ai, Cu tik ah Ralkap Bawi nih cun hmai lei ah Kawlram pum ah Ralkap Bawi nasi taktak lai tiah a chim. An chim ning te in Kan Pa Taihsun Cu Kawlram pum paluk ah Min athang taktak mi Ral Bawi asi taktak ko hih.

Kan Pa Taihsun hi Ralkap kum 20 a tuan chungah Raldoh/tuk nak ah ataksa vial te ah Ral nih an kah nak pem hmunhma ( injury) hmun 12 a ngei, cu ataksa pem mi hna cu zei hmanh sitoih lo in an thit piak tawn, Cun sahngal he a ni thuat hawi than I ataksa ah pem hmunhma 12 angeih fawn, sahngal nih ahngo he apaw 4 inches thler in a zai/ah piak, aril hna a chuak I amah nih aril chuak mi cu apaw chungah ahnawh than I, dusa te in bawh vak in iin aphan khawh mi asi.

1962 kum ah Laksong alak mi hi atam bik cem asi, British acoyah nih apek, Kawl acoyah nih apek, Ne Win nih apek, Ahmuh mi vialte hi  phun 7 asi I, Tangka le Meithal hna asi. Kan Pa Taihsun nih hin Fanu Fapa 14 angeih hna, Cun 1959 ah a hmuh mi “ Aungsan Thuria Boih” timi hi ahmuh I cu laksong cu lak dingin 1976 ah Rangoon ah kal in alak. 1979 ah Ne Win nih laksong pek dingin Rangoon ah akal than. Aungsan Thuria Boih a hmu mi Kawlram chungah minung 6 hna an si tiah theih asi.

Kan Pa asi mi “Aungsan Thuria Taihsun nih duh selaw Vulei cung nawmhnak, khawsaknak lei ah siseh, Kawlram khualipi Rangoon ah siseh um khawh nak nawl angeih ko n ate in cucu kal tak in Matupi peng Boili ah chungkhar/family he an um. Akong hi tial ding atam tuk ko na in hi vial hi ata tan atheih rih lo mi Kan Chin miphun ca ah tiah ka vun langhter mi asi.

Moses pa

Ref : Chintaungtan.blogspot.com/2010