Achuah Kum Le A Rian Tuan Nak Kum Ai Keih Lo

Mandalay Chian Aye Thar San No (12) Tanghra siangin sayama pakhat cu lahkhah ting 78 an hal than.Mandalay myo Chan Aye Thar San myone No (12) tanghra sianginn sayama Daw Mar Mar Myint cu tanghra a awnnak i a chuahni le sayama a tuannak i a chuahni pawl aa khah lo caah pension a lak dingmi kumnak saudeuh kum 3 a hlei in rian a tuan sual. Mah thil cang hi Daw Ma Mar Myint kum hi tanghra a awnnak ticket ah a ummi a chuah ni in dawi ahcun a tu ahhin kum 63 a si cang lai tinak a si.

Education zung nih thlak piakmi riantuannak cauk chung i a chuahni ningin tuak ahcun pension laknak kum cu kum 60 tlin ahhin a si. A tu bangin chuahni aa palh caah Daw Ma Ma Myint cu pension lak cang dingmi can ah la ti loin kum 3 le thla 7 a tuan i lahkah ting 78 renglo a hmuhmi kha an hal than. Mah kong he pehtlai in saya pakhat nih a tanglei bangin a chim “riantuannak cauk lei a tlai tu a ho dah a si. Riantuannak cauk chuah sianghlei run awnnak mark, certificate, reign kaiternak/ thialnak ca vialte an khumh dih ko.

Mah vialte kha tuanvo ngeitu nih a chek i a min a thut ko cu teh. Riantuan can a luanmi kong ah tuanvo ngeitu hi cazi, sianginn uktu sayaci, cun sayama nu hna hi an si ko. Cun mah sianginn kha kum chiarte a zohfel tu TEO, DTEO pawl zong tuanvo an ngei ve. Pension a hun lak ceo in an theih mi hi cu a hman ti lo. A lih in a rak pekmi a si zongah a dihlak in an hal than awk a si ti lo” tiah thawng zamhnak ah fiang ngaingai in a chim.