A Ra Laimi April 26 Ah Chinland Paih Championship(CPC) Nih Hakha Ah Paih Kan Tuah Than Lai

April 26 le 27 ah Chinland Paih Championship(CPC) nih Hakha ah paih kan tuah than cang lai, Khaikam Hall zong cozah sin tlamtling tein kan hlan khawh cang.

Thantlang Champion Tawk Peng Lian le nai Thantlang CND ah minung 16 bak a teimi Khuafo cakei Za Cung zong an rak i pai kho ve lai.Hakha pathawng lakah Thantlang pathawng zeidah an lawh timi theih khawh a si cang lai.Tutan cu heavyweight (150lbs cung) le middleweight (149lbs tang) tiin kan then cang.  Heavyweight champion cu ting 30 pek a si lai i middleweight champion cu ting 20 pek a si lai.

Heavyweight ah Khuathar Thawng Tling, Hniarlawn Tuan Ceu, Zophei Tha Peng Lian le Senthang Van Bawi Hmun tbk an i tong te lai. 2019 Hakha CND Champion Thawng Tling hi nikum October ah Tuan Ceu nih a tei, April ah a tei ti hnga maw dik?

Middleweight ah Zophei Mang Thawng Lian, Khuathar Van Ram Or, Khuafo Tawk Peng le Za Cung, Chuncung Tawk Hmun, Senthang Lian Thawng Hnin le Hniarlawn Ceuboh tbk ani tong te lai. Middleweight hi a vikvak thami lawngte an si i zoh nuam khun lai.

Zatlang club ah Senthang, Zophei, Khuafo, Dauchin, Chuncung, Hniarlawn le Hakha Khuathar an i tel kho lai. Nai CND paih thawng vialte kan sawm hna lai. Malaysia, Delhi, Yangon le ramhnihnak ummi nih paih kong ka tialmi tete na share lengmang ahcun free in zohter na si lai.